Vedomstvo Almaty halyqaralyq áýejaıynyń jolaýshylar termınalynda kedendik baqylaýdyń kúsheıtilgenin habarlady
Almaty áýejaıynda iPhone 14 jáne iPhone 13 markaly deklarasıalanbaǵan uıaly telefondardy, sondaı-aq Macbook jáne AirPods syndy jalpy sany 70 dana taýardy Dýbaı – Almaty baǵyty boıynsha zańsyz ákelý áreketiniń joly kesildi, dep habarlaıdy Almaty-akshamy.kz.
Almaty qalasy boıynsha memlekettik kirister departamentiniń málimetinshe, kontrobandalyq áreketti 2022 jylǵy 12 qazanda Almaty qalasy boıynsha MKD "Jetisý" keden beketiniń laýazymdy tulǵalary Almaty qalasynyń Avıasıalyq kólik prokýratýrasymen jáne Almaty shekara qyzmetimen birlesip anyqtaǵan.
«Ustalǵan 70 dana taýar ýaqytsha saqtaý qoımasyna aýystyryldy jáne materıaldar QR Qylmystyq kodeksiniń 234-babyna sáıkes is júrgizý sheshimin qabyldaý úshin Almaty qalasy boıynsha ekonomıkalyq tergeý departamentine jiberildi», — delingen habarlamada.
Vedomstvo Almaty halyqaralyq áýejaıynyń jolaýshylar termınalynda kedendik baqylaýdyń kúsheıtilgenin habarlady.
«Eýrazıalyq ekonomıkalyq komısıa Keńesiniń 2017 jylǵy 20 jeltoqsandaǵy №107 "jeke paıdalanýǵa arnalǵan taýarlarmen baılanysty jekelegen máseleler týraly" sheshimine sáıkes, jeke tulǵalar jeke paıdalanýǵa arnalǵan Keden odaǵynyń kedendik shekarasy arqyly ótkizetin taýarlardy jatqyzý krıterııleri boıynsha, bir tulǵaǵa eki taldan aspaıtyn uıaly telefondardy ákelý ruqsat etiledi», — delingen habarlamada.