Kólik polıseıleri Almaty áýejaıynda habar-osharsyz ketken áıeldi anyqtady, – dep habarlaıdy aqshamnews.kz.
10 aqpanda Almaty qalasy áýejaıyndaǵy jelilik polısıa bóliminiń qyzmetkerleri habar-osharsyz ketken Lúdmıla Rýbandy tapty. Áýejaıdy patrúldeý barysynda tártip saqshylary Túrksib aýdandyq polısıa basqarmasynan kelip túsken baǵdarǵa sáıkes keletin áıeldi baıqap, onyń jeke basyn tekserdi. Nátıjesinde onyń bir kún buryn úıinen shyǵyp, qaıta oralmaǵan 67 jastaǵy azamatsha ekeni rastaldy.
Jeke basyn anyqtaǵannan keıin Lúdmıla Rýban oqıǵanyń mán-jaıyn odan ári tekserý jáne qajetti kómek kórsetý úshin izdestirý bastamashysyna berildi. Kólik polıseıleri qoǵamdyq tártipti saqtaý men azamattardyń qaýipsizdigin qamtamasyz etý maqsatynda táýlik boıy kezekshilikti jalǵastyrýda.
Polısıa qyzmetkerleriniń qyraǵylyǵy men kásibıliginiń arqasynda taǵy bir habar-osharsyz joǵalǵan adam tabyldy. Jaqyndarymen qaýyshty. Polısıa azamattardy jaqyndary joǵalǵan jaǵdaıda ýaqytyly habar berýge shaqyrady.