1 tamyzdan bastap Almaty halyqaralyq áýejaıynda jańa resmı qyzmet — Almaty Airport Taxi qosyldy, - dep habarlaıdy Aqshamnews.kz.
Bul joba qala turǵyndary men qonaqtaryna kórsetiletin qyzmet sapasyn arttyrýǵa jáne transferlik qyzmetterge biryńǵaı standart engizýge baǵyttalǵan.
Almaty Airport Taxi servısiniń iske qosylýy — jolaýshylardyń jaıly, qaýipsiz jáne ashyq qyzmetke degen suranysyna berilgen naqty jaýap. Joba zańsyz tasymaldar men beıresmı taksı qyzmetteriniń artýyna baılanysty týyndaǵan máseleni sheshýge, sondaı-aq qalaǵa kelgen alǵashqy sátten bastap oń áser qalyptastyrýǵa baǵyttalǵan.
Bastapqy kezeńde jolaýshylarǵa biryńǵaı zamanaýı stılde brendtelgen 40 BYD Qin Plus elektromobıli qyzmet kórsetedi. Bul kólikter ekologıalyq taza ári joǵary jaılylyq standarttaryna tolyq saı keledi. Qazirgi tańda ár kólikke baǵyt kórsetetin jáne ózekti týrısik aqparatpen jabdyqtalǵan ınteraktıvti ekrandar ornatý jumystary júrgizilip jatyr.
Júrgizýshiler arnaıy daıyndyqtan ótip, jolaýshylarmen kásibı deńgeıde jumys isteýge daǵdylanǵan. Olar termınaldan shyqqan sátten bastap mejeli jerge deıin iltıpatty qyzmet kórsetip, barlyq detalge muqıat kóńil bóledi. Sonymen qatar júrgizýshilerge arnalǵan biryńǵaı fırmalyq arnaıy kıim kezeń-kezeńimen engiziledi.
Tapsyrystardy dınamıkalyq úlestirý júıesi boıynsha bólý arqyly kólikti orta eseppen 5 mınýt ishinde shaqyrtýǵa bolady. Jolaqy baǵytqa qaraı úsh aımaqqa bólingen turaqty tarıfter boıynsha júzege asyrylady. Barlyq sharttar ashyq kórsetiledi, jasyryn qosymsha tólemder joq. Jolaqyny banktik kartamen, tólem termınaly arqyly nemese QR-kodpen tóleýge bolady.
Jyl aıaǵyna deıin avtopark 10 bıznes-klass sanatyndaǵy kólikpen tolyǵady. Sonymen qatar, qazan aıynda árqaısysy 14 jolaýshyǵa arnalǵan 4 shaǵyn avtobýs (shattl) iske qosylady. Olardyń árqaısysynda ınklúzıvti keńistik jáne júk salatyn arnaıy oryn qarastyrylǵan.
Almaty Airport Taxi — ekologıany, zamanaýı tehnologıalardy jáne klıentke baǵdarlanǵan qyzmetti úılestire otyryp, qalalyq servıstiń jańa etalonyna aınalmaq. Joba aldaǵy ýaqytta da damyp, Almaty turǵyndary men qonaqtaryna jaıly ári senimdi qozǵalys múmkindikterin usynýdy jalǵastyrady.