Jasyrynǵan – jazasyn tartty: alıment tólemeıtinder múlki men bas bostandyǵynan aıyrylady, - dep habarlaıdy Aqshamnews.kz tilshisi.
Kámeletke tolmaǵandardyń quqyqtaryn qorǵaý - prokýratýra jumysynyń basym baǵyttarynyń biri.
Almatynyń Almaly aýdanynda JSO-nyń oryndaýyndaǵy atqarýshylyq is júrgizýdegi alıment boıynsha bereshek somasy 1,5 mlrd teńgeden asty.
Boryshkerler avtokólikteri men jyljymaıtyn múlikteriniń bolýyna qaramastan, olar sot sheshimderin oryndaýdan sanaly túrde jaltaratyny aıtyldy.
Osyǵan baılanysty prokýratýranyń bastamasymen qalanyń Polısıa departamentimen birlesken jumys uıymdastyryldy.
"Qabyldanǵan sharalardyń nátıjesinde boryshkerlerdiń 22 avtokóligi ustalyp, aıyppul turaǵyna qoıyldy. Bes is boıynsha múlik alynǵannan keıin 7 mıllıon teńgeden astam qaryz tolyǵymen óteldi. Óndirilgen qarjynyń jalpy somasy 74 mln teńgeden asty", - delingen habarlamada.
Jasalǵan zańbuzýshylyqtar úshin eń qasaqana jaltarǵandar jaýapqa tartyldy, sonyń ishinde qylmystyq jaýapkershilikke de.
Olardyń bireýi Qylmystyq kodekstiń 139-babyna sáıkes kináli dep tanylǵan: ol sot sheshimin qasaqana oryndamaǵan jáne kirisin jasyrǵan, nátıjesinde 11 mıllıon teńgeden astam qaryz bolyp shyqty.
Oǵan probasıalyq baqylaýmen bas bostandyǵyn shekteýge bir jyl jaza berildi.