Áýejaıdyń baspasóz qyzmetiniń málimetinshe, áýejaıǵa kiretin joldyń bir bóliginde jóndeý jumystary júrgiziledi, dep habarlaıdy aqshamnews.kz
"Aqsuńqar" qonaqúıiniń janyndaǵy pandýsqa kirý joly jóndeý jumystaryna baılanysty ýaqytsha jabylady. Jóndeý barysynda gıdrooqshaýlaý jaqsartylady, jylytý júıesi jańartylady jáne jańa asfált tóseledi", – delingen habarlamada.
Jóndeý kezinde pandýsqa kirý jańa kóterme jol arqyly júzege asady (qozǵalys syzbasyn qarańyz).
Áýejaı ókilderi ýaqytsha qolaısyzdyqtar úshin keshirim surady.
Aıta keteıik, tamyz aıynyń basynda Almatyda Horizon baǵdarlamasy iske qosyldy. Joba áýejaıdy "álemdik deńgeıdegi avıasıalyq habqa" aınaldyrýdy kózdeıdi. Ol bes kezeńnen turady, alǵashqysy 362 mıllıon dollar turatyn 130 nysandy qamtıdy. Qarjylandyrý áýejaıdyń óz qarajaty, banktik qaryzdar jáne jeke ınvestısıalar esebinen júzege asyrylady — memlekettik kepildik pen búdjetten dotasıasyz.