Almaty ákímí Darhan Satybaldy Alatau audanyndaǵy «Nūrkent» tūrǵyn úı kesheníníń tūrǵyndarymen júzdestí. Kezdesu barysynda qala tūrǵyndary auyzsudyń tapshylyǵy, elektr quatynyń jıí óshuí, sondaı-aq balabaqsha men mekteptegí oryn jetíspeushílígí jaıyn kóterdí.
Sudyń azaıyp ketuí Alatau audanynyń batys bólígínde qarqyndy júrgízílíp jatqan tūrǵyn úı qūrylystarymen baılanysty. Qazírgí tańda «Nūrkent» keshení auyz sudy «Qalqaman» sorǵy beketínen alady (táulígíne 10 600 tekshe metr), alaıda tūtynu kólemí shegíne tayap qalǵandyqtan, jaz mezgílínde su qysymy tómendep, su beru jıí toqtaıdy. Būl túıtkíldí sheshu úshín kórshíles tūrǵyn úı kesheníndegí sorǵy beketí qalpyna keltíríledí. Qalalyq energetıka jáne sumen jabdyqtau basqarmasynyń málímetínshe, qūrylys kompanıyasy nysanǵa kúrdelí jóndeu júrgízíp, tūrǵyndardy úzdíksíz auyzsumen qamtuǵa múmkíndík jasaıdy. Jóndeu jūmystary 25 qyrkúıekke deıín ayaqtalyp, nysan «Almaty Su» ShJQ MKK balansyna beríledí.
Elektr quatymen qamtudyń úzíluí jetí transformatorlyq qosalqy stantsıyanyń «Alatau Jaryq Kompanıyasy» AQ balansyna berílmeuínen tuyndaǵan. Ákím būl máselení jedel sheshíp, tūraqty elektrmen qamtudy qamtamasyz etudí tapsyrdy.
Tūrǵyndar retsíz qoıylǵan avtokólíkter men tazalyqtyń saqtalmauyna qatysty shaǵym aıtty. Darhan Satybaldynyń aıtuynsha, atalǵan avtotūraq ornalasqan jer telímí memleket menshígíne qaıtarylyp, onyń ornyna jańa balabaqsha boı kóteredí. Sondaı-aq, tūrǵyndar aulalardyń jóndelmegendígí men rūqsatsyz qoqys tastaıtyn oryndardyń baryn jetkízdí. Ákím audan ákímdígíne aulalardy abattandyryp, sanıtarlyq jaǵdaıdy tūraqty baqylauda ūstaudy tapsyrdy.
«Búgín aıtylǵan barlyq másele hattamaǵa engízíldí. Oryndaluyn ózím qadaǵalaımyn. 25 qyrkúıekke deıín jóndelgen sorǵy beketí «Almaty Su» balansyna, al elektr jelílerí «Alatau Jaryq Kompanıyasynyń» ıelígíne beríledí. Aula abattandyrylyp, balabaqsha salynady. Qalǵan máseleler de jūmys tártíbímen sheshímín tabady», – dedí Darhan Satybaldy.