1921 jyly Vernyı ataýyn Alma-Ata dep ózgertý týraly sheshim qabyldandy. Bul "almanyń otany" degendi bildiredi. Osylaısha 1927 jyly QazAKSR ortalyǵy Almatyǵa kóshirildi.
Shahar Tán-SHan taýlarynyń soltústiginde, İle Alataýynyń baýraıynda, elimizdiń-ońtústik shyǵysynda ornalasqan. Keı derekkózderde b.z.d. VII ǵasyrlarda saqtar, úısinder mekendegen kórinedi. Sebebi sol dáýirden qalǵan qorǵan men qamal saqtalǵan. Almaty irgesindegi Esik qorǵanynan tabylǵan «Altyn adam» - sonyń birden-bir dáleli. Bertindegi patsha ókimeti 1854 jyly Vernyı bekinisin quryp, qalaǵa jańa ataý berildi. Osydan bastap, Reseıden qonys aýdarýshylar kele bastaıdy. 1865 jyly «Dala komısıasynyń» uıǵarymymen Almatınsk qalasy boldy. Kóp ótpeı, qaıtadan Vernyıǵa aýysty.
Táýelsizdikpen birge jańa lep keldi. 1993 jyly Almaty ataýy oraldy. Búginde alyp shahar Almaly, Alataý, Jetisý, Áýezov, Túrkisib, Medeý, Naýryzbaı aýdandarynan turady. Sońǵy statısıka boıynsha, megapolıste 2 mıllıonǵa jýyq halyq turady.
Sondaı-aq Almaty tup-týra 70 jyl boıy Qazaqstannyń astanasy boldy. El arasynda beıresmı mádenıet pen óner ordasy degen mártebege ıe.