Atalǵan fakt boıynsha sotqa deıingi tergeý bastaldy.
Almatyda jarylǵysh zat týraly jasyryn qońyraý shalǵan Reseı Federasıasynyń azamaty ustaldy, dep habarlaıdy Almaty-akshamy.kz.
Mamyrdyń birinshi kúni Almaty polısıa departamentiniń qyzmetkerleri máskeýlik áriptesterinen «Almaty Arena» muz saraıynda jarylǵysh zat týraly habarlaǵan belgisiz er adamnyń qońyraýy jazylǵany týraly aqparat alǵan.
«Alǵashqy sharalar aıasynda qalanyń tótenshe jaǵdaılar qyzmeti jarylǵysh jáne kınologıalyq bólimshelerdi tarta otyryp, ǵımarat pen oǵan irgeles aýmaqqa tekserý júrgizdi. Tekserý nátıjesinde jarylǵysh qurylǵylar tabylmady», - delingen QR Terorızmge qarsy ortalyǵynyń baspasóz qyzmeti taratqan habarlamada.
Júrgizilgen jedel izdestirý is-sharalary barysynda Reseı Federasıasynyń azamaty anyqtalyp, ustaldy.
Sonymen birge, onyń buǵan deıin Reseıdegi oqý oryndaryna da birneshe ret osyndaı qońyraý shalǵany belgili boldy.
Atalǵan fakt boıynsha Qazaqstan Respýblıkasy Qylmystyq kodeksiniń 273-babynyń 1-bóligi «Terorızm aktisi týraly kórineý jalǵan habarlaý» boıynsha sotqa deıingi tergeý bastaldy.