Smart shahar.
Ońtústik astanamyz TMD-ǵy «aqyldy» qalalarynyń arasynda ekinshi oryndy ıelendi. Bul týraly onlaın brıfıń barysynda qalanyń sıfrlandyrý basqarmasynyń basshysy Baıan Qońyrbaev aıtty, dep habarlaıdy Almaty-akshamy.kz QazAqparat saıtyna silteme jasap.
Aıtýynsha, Almaty TMD men Shyǵys Eýropa aýmaǵyndaǵy qalalardyń kóshbasshy tobyna kiredi.
«Almaty - 2050» baǵdarlamasy men «Sıfrlyq Qazaqstan» baǵdarlamasy basqarýdyń strategıalyq maqsattaryna sáıkes bolý tıis. «2021 jyldyń qorytyndysy boıynsha biz 2017 jyldan bastap halyqaralyq derekter korporasıasynyń sıfrlyq jetilý reıtıńisinde Almaty qalasynyń 2,7 bal pozısıasyn alǵanyn kóremiz. Bul biz sońǵy eki jylda qoljetkizgen óte úlken kórsetkish. Bul mańyzdy oqıǵa. Túsinikti bolý úshin, 2019 jyly biz 10-shy oryndy ıelendik, al TMD-nyń aqyldy qalalary arasyndaǵy sońǵy nátıjeler boıynsha biz 2-orynda turmyz. Iaǵnı, biz Kıevten ozyp, Máskeýden keıingi oryndamyz», - dedi Baıan Qońyrbaev.