Almaty ákimi Darhan Satybaldy Úlken Almaty shatqalynda týrısik jáne ınfraqurylymdyq jobalardyń júzege asý barysymen tanysty.
Jumys sapary aıasynda qala basshysy kópshilikke tanymal týrısik soqpaqtardyń biri – «Alma-Arasan» radon bulaǵyna baratyn marshrýtty jańǵyrtý barysyn tekserdi. Darhan Satybaldy taý baýraıyn nyǵaıtý, kópirlerdi qaıta jańartý, qaýipsiz jabyndylardy tóseý, baspaldaqtar men baqylaý alańdaryn ornatý jónindegi jumystarmen tanysty. Jartastardan tas qulaý qaýpin azaıtý jáne týrıserdiń qaýipsizdigin qamtamasyz etý boıynsha zamanaýı sheshimderdi engizýge erekshe nazar aýdaryldy.
«Biz Almaty-Arasanǵa baratyn joldy jańartyp, ony qoljetimdi, qaýipsiz etip jatyrmyz. Tas qulaǵan jerlerdegi jartastardy nyǵaıtyp, ótkelderdi jańartyp, ekosoqpaqtar men korozıaǵa qarsy qurylymdar ornatyp, shatqal ataýyna silteme jasaıtyn navıgasıalyq belgilerdi ornatamyz. Jumys 12 mamyrda bastaldy, shilde aıynyń ortasynda aıaqtalady», - dedi týrızm basqarmasynyń basshysy Ǵalıa Toqseıitova.
Sapar barysynda BI Group kompanıasy júzege asyryp jatqan «Baqyt soqpaǵy 2025 jyl» jobasynyń úshinshi kezeńi tanystyryldy. Joba aıasynda taýly aımaqtardaǵy jańa baǵyttar kórkeıtilip, demalysqa arnalǵan kúrkeler, navıgasıalyq aqparattyq taqtalar, sanıtarlyq toraptar men sholý alańdary ornatylady. Sondaı-aq kompanıa halyqaralyq standarttarǵa saı sý men elektr qýatyn qajet etpeıtin ekodárethanalar ornatýdy josparlap otyr.
Nysandardy aralaý «Aıýsaı» vızıt ortalyǵynda jalǵasty. Bul ortalyq ekologıalyq qurylys qaǵıdalary negizinde salynǵan. Munda ákimge Úlken Almaty kóline aparatyn avtojoldy jóndeý jospary jáne negizgi týrısik nysandarǵa kólikpen qoljetimdilikti arttyrý jónindegi tujyrymdama tanystyryldy.
Sapar sońynda Darhan Satybaldy týrısik marshrýttardyń barynsha qaýipsiz bolýyn, qala turǵyndary men qonaqtarynyń jaıly demalýyna jaǵdaı jasalýyn, sondaı-aq, týrısik ınfraqurylymdy qalanyń kólik júıesine tıimdi biriktirýdi tapsyrdy