Almatyda qala ákimi Darhan Satybaldynyń Qatardyń Power International Holding kompanıasynyń ókilderimen jumys kezdesýi ótti. Taraptar demalys, oıyn-saýyq, bólshek saýda jáne sıfrlyq tehnologıa salasyndaǵy birlesken ınvestısıalardyń bolashaǵyn talqylady.
Power International Holding kompanıasynyń Katarda, Maldıv araldarynda jáne ózge de elderde keshendi jobalardy júzege asyrýda halyqaralyq tájirıbesi mol.
Ákim Almaty qalasy ulttyq ekonomıkanyń tórtten bir bóligin qamtamasyz etetinin jáne halyqaralyq bastamalarǵa ashyq ekenin atap ótti. Darhan Satybaldy Qazaqstan men Qatar arasyndaǵy joǵary deńgeıdegi áriptestikti atap ótip, Almatyda aýqymdy ınvestısıalyq jobalardy júzege asyrýǵa daıyn ekenin jetkizdi.
PIH ókilderi naqty baǵyttarǵa qyzyǵýshylyq bildirip, Almatynyń óńirlik damý ortalyǵy retindegi tartymdylyǵyn, qalanyń áleýeti men qolaıly ınvestısıalyq klımatyn erekshe atady.