Almaty ákimi dekoratıvti-sáýlettik, torsherli jáne machtalyq jaryqtandyrý jobalarymen tanysty.
Jumys sapary barysynda Darhan Satybaldy Medeý aýdanyndaǵy kópqabatty turǵyn úılerde jaryq ornatý jumystaryn baǵalady. Mundaı jobalar qalanyń estetıkalyq kelbetin jaqsartýǵa kómektesedi, osy maqsatta úılerdiń qasbeti de boıalǵan.
Respýblıka Saraıy aldyndaǵy skverde 65 torsherli sham 100 Vt qýatty jyly jaryq beretin jaryqdıodty shamdarǵa aýystyryldy. Jańa LED-shamdar joǵary jaryqtyǵymen, energıany az tutynýymen jáne uzaq qyzmet etý merzimimen erekshelenedi.
Abaı dańǵyly men Baızaqov kóshesiniń jolaıyryǵynda qýaty 500 Vt bolatyn 40 zamanaýı LED-sham ornatyldy. Olar burynǵylarǵa qaraǵanda jaryǵyraq ári únemdirek: jaryqtandyrý deńgeıi alty eseden astam artty, al energıa tutyný 37%-ǵa tómendedi.
Almaty ákimi sapaly jaryqtandyrýdyń qaýipsiz ári jaıly orta qalyptastyrýdaǵy, sondaı-aq qalanyń estetıkalyq kelbetin jaqsartýda mańyzy zor ekenin atady. Sondaı-aq, jaryqtandyrýdyń keshendi jumystaryn qamtıtyn jospardy ustanýdyń qajettiligine erekshe toqtaldy.