Almaty ákimi Darhan Satybaldy Malaızıanyń Selangor shtatynyń bas mınıstrimen kezdesti, dep habarlaıdy aqshamnews.kz
Kezdesý barysynda taraptar ekijaqty baılanystardy nyǵaıtý, bilim, mádenıet, ýrbanıstıka salalaryndaǵy áriptestik, sondaı-aq qalalyq ınfraqurylym nysandaryn damytý máselelerin talqylady.
Ásirese iskerlik qatynastardy keńeıtýge, qalalyq jobalardy iske asyrý tájirıbesimen almasýǵa jáne ekonomıkalyq áriptestikti jolǵa qoıýǵa basa nazar aýdaryldy.
Kelissóz qorytyndysynda Almaty men Selangor arasyndaǵy baılanystardy kúsheıtýge, zamanaýı tehnologıalardy engizýge jáne qalalyq orta sapasyn arttyrýǵa baǵyttalǵan birlesken bastamalardy qarastyrý jóninde ýaǵdalasty.