Bul jer 2014 jyly Talǵar aýdanynan qalaǵa jańa aýmaqtar qosylǵan kezde berilgen.
Megapolıs basshysy bul jumysty erekshe baqylaýda ustaýǵa ýáde berdi, dep habarlaıdy Almaty-akshamy.kz
Kezdesýge kelgen turǵyn suraǵy:
2014 jyly J1-ge zańsyz berilgen Kamenskıı ústirtindegi R1 aımaǵyn qaıtarý qajet. Osy kezge deıin qurylys salýshy gektarlaǵan alma baqtaryn qıratty, kóshkin júrdi. Qazir zańsyz qurylys júrip jatyr, jeke turǵyn úıdiń ornyna basqa qurylys salynyp jatyr. Bul aýmaqta sý da, káriz júıesi de joq. Sizdiń tarapyńyzdan qoldaý kútemiz.
«Men Kamenskıı ústirtindegi alma baqtaryn kesý jaǵdaıy týraly jeke tapsyrma berdim. Qalalyq prokýratýra ekologıa jáne qorshaǵan ortany qorǵaý departamentimen birlesip, jumystar júrgizdi. Kóptegen jobalar negizinde biz qurylysty toqtattyq, prosesterdi aıaqtaý úshin sotqa tıisti talaptar usynyp, shaǵym túsirdik. Bul 2014 jyly Almaty oblysy Talǵar aýdanynan qalaǵa jańa aýmaqtar qosylǵan kezde bolǵanyn durys atap óttińiz. Dál osyndaı R1-den J1-ge aýysqan jaǵdaı basqa aýdandarda da bar. Biz zańsyz qurylysty toqtattyq. Jerdiń paıdalaný maqsatyn burynǵysha aýystyra salý ońaı sharýa emes. Bul degenińiz - birneshe sot prosesterinen keıin sheshilýi múmkin jaǵdaı. Sol jyldary ondaǵan myń jer telimderi berilgen. Kóshkin qaýpi joǵary aımaqtarǵa qosymsha zertteýler júrgizip, tıisti shaǵymdardy sotqa jiberemiz. Biz bul jumysty erekshe baqylaýda ustaımyz», - dep jaýap berdi Almaty qalasynyń ákimi Erbolat Dosaev.