Almaty ákimi Darhan Satybaldy Jýravlev kóshesi, 26 jáne 28-de Four Seasons turǵyn úı kesheniniń turǵyndarymen kezdesti. Kezdesý barysynda keshendi paıdalanýdyń negizgi máseleleri talqylandy.
Ásirese, jalpy alańy 7 myń sharshy metrden asatyn parkıngke aýdaryldy. Búginde onyń bir ǵana kirý jáne shyǵý joly bar, kólbeý bıiktigi 45 gradýstan joǵary, bul turǵyndardy alańdatyp otyr. Olardyń aıtýynsha, tipti jeńil kóliktiń kirýi qaýipti, al tótenshe jaǵdaıda adamdardy evakýasıalaýǵa qaýip tóndirýi múmkin.
Sondaı-aq, turǵyndar ınjenerlik jelilerdi berý máselesin kóterdi. Talqylaý qorytyndysy boıynsha ákim eki apta ishinde transformatorlyq qosalqy stansıa boıynsha qujattardy resimdeýdi aıaqtaýdy jáne ony «Alataý Jaryq Kompanıasy» AQ balansyna berýdi, árleý jumystary aıaqtalǵannan keıin jeti kún ishinde ekinshi bloktyń parkıngin paıdalanýǵa berýdi tapsyrdy. Sonymen qatar, Darhan Satybaldy jaýapty tulǵalarǵa komýnaldyq qyzmettermen birlesip káriz júıesi boıynsha kemshilikterdi joıýdy, sodan keıin «Almaty sý» JSHS balansyna jelilerdi qabyldaýdy tapsyrdy. Al Qala qurylysyn baqylaý basqarmasy aýdany 7 myń sharshy metr parkıngtiń qaýipsizdigin kólikpen kirip-shyǵyp tekseredi.
«Ákimdiktiń quzyretine kiretin barlyq másele - transformatorlyq qosalqy stansıa, káriz jáne káriz sorǵy stansıasy sheshiledi. Bul rette paıdalanýdyń ishki máseleleri MIB quzyretine jatady jáne turǵyndar olardy menshik ıeleriniń birlestigi deńgeıinde sheshýge tıis», - dep atap ótti Darhan Satybaldy.
Qurylys salýshylar anyqtalǵan kemshilikterdi tez arada joıýǵa jáne turǵyndardyń qaýipsizdigi men jaılylyǵyn qamtamasyz etý úshin qajetti jumystardy oryndaýǵa mindettendi.