22 qyrkúıekte Almaty qalasy Bostandyq aýdanynda ornalasqan «Qazaq ǵylymı-zertteý ınstıtýty qaıta óńdeý jáne tamaq ónerkásibi» mekemesinde «Aýyl» partıasynyń óńirlik fılıaly «Adal azamat» ıdeologemasyn túsindirý jáne 2025 jylǵy 8 qyrkúıekte Memleket basshysy Qasym-Jomart Toqaev jarıalaǵan Joldaýdy talqylaý taqyrybynda kezdesý ótkizdi.
Jıynǵa mekeme qyzmetkerleri, partıa músheleri jáne ǵalymdar qatysty. Kezdesý barysynda ınstıtýtta uzaq jyldar eńbek etip kele jatqan ǵalym Chomanov Ýrıshbaı «Adal azamat» qalyptastyrýdyń qoǵam úshin mańyzy jóninde pikir bildirdi.
Sonymen qatar, «Aýyl» partıasynyń Almaty qalasy fılıalynyń tóraǵasy A. Qońyrbaev Prezıdent Joldaýyndaǵy Parlamentarızmdi damytý jáne Jasandy ıntellektti engizý máselelerine toqtalyp, túsinikteme jasady.
Óz kezeginde ınstıtýt dırektorynyń orynbasary Ýmıralıeva Lazat mekemede Jasandy ıntellektti paıdalaný laboratorıasy ashylatynyn habarlap, bul bastama ǵylym men óndiriste jańa múmkindikterge jol ashatynyn atap ótti.
Kezdesý pikir almasý alańyna aınalyp, qatysýshylar el damýyndaǵy adaldyq pen ádildik qundylyqtaryn keńinen nasıhattaý qajettigin atap ótti.