Qazaqstannyń birinshi raketkasy Elena Rybakına Beıjińdegi WTA 1000 týrnırinen shyǵyp qaldy, - dep habarlaıdy aqshamnews.kz.
Álemdik reıtıńte 10-orynda turǵan qazaqstandyq tenısshi Elena Rybakına Qytaıdyń Beıjiń qalasynda ótip jatqan WTA 1000 sanatyndaǵy týrnırdiń úshinshi kezeńinde (1/16 fınal) jarys jolynan shyǵyp qaldy.
Ol álemniń 66-raketkasy, Germanıa ókili Eva Lıske qarsy oınap, 3:6, 6:1, 4:6 esebimen jeńilip qaldy.
Oıyn 2 saǵat 14 mınýtqa sozyldy. Osy ýaqyt ishinde Rybakına segiz eıs jasap, bes qos qate jiberdi jáne toǵyz breık-poınttyń jeteýin paıdalandy. Al qarsylasy bir eıs oryndap, bes qos qate jiberdi jáne 19 breık-poınttyń altaýyn sátti júzege asyrdy.