Smart City boıynsha ádisnama jasalady
Qytaı Halyq Respýblıkasynyń Qazaqstandaǵy bas konsýly Szán Veı hanymmen kezdesý barysynda saýda-ekonomıkalyq jáne mádenı-gýmanıtarlyq yntymaqtastyqty nyǵaıtý, sondaı-aq ınovasıalar men jańa tehnologıalar salasyndaǵy áriptestik máseleleri talqylandy, dep habarlaıdy Almaty-akshamy.kz.
Qytaı Qazaqstannyń negizgi saýda seriktesteriniń tizimine kiredi. Almaty qalasy men Qytaı arasyndaǵy taýar aınalymy jedel qarqynmen ósýde. Máselen, aǵymdaǵy jyldyń birinshi jartyjyldyǵynyń qorytyndysy boıynsha taýar aınalymy 2021 jyldyń osy kezeńimen salystyrǵanda 51,6%-ǵa artyp, 2 mlrd 850 mln AQSH dollaryn qurady.
Búginde Almatyda Qytaı kapıtalynyń qatysýymen 898 kásiporyn jumys isteıdi. Úlken dıametrli bolat dánekerlengen qubyrlar shyǵaratyn zaýyt birlesken mańyzdy jobalardyń biri boldy. Ony iske qosý nátıjesinde 2021 jyly 300-den astam jumys orny quryldy. Investısıa kólemi 33 mlrd teńgeni qurady. Aǵymdaǵy jyldyń sońyna deıin Indýstrıaldy aımaqta radıatorlar óndirý boıynsha taǵy bir ınvestısıalyq jobany iske asyrý kútilýde. Bul jobaǵa salynǵan ınvestısıa kólemi 11,6 mlrd teńgeni quraıdy, 430 jańa jumys orny ashylady.
Ótken jyly Almaty qalasynyń Sychýan provınsıasymen yntymaqtastyq týraly jasalǵan memorandýmdy eskere otyryp, Qytaı ınvestorlaryn ǵylym men bilim salasynda jáne saýda-ekonomıkalyq, mádenı qatynastardy jandandyrýǵa keńinen tartý usynyldy.
Jańa tehnologıalardy damytý, sıfrlandyrý jumystary aıasynda ótken jyldyń jeltoqsan aıynda Almaty men Shenchjen qalalary arasynda ózara túsinistik týraly memorandým jasaldy. Aǵymdaǵy josparlarda eki qalanyń jergilikti IT-bıznesin qoldaý úshin ózara preferensıalar qurylady jáne Smart City sıfrlandyrýdyń ınfraqurylymdyq jobalaryn engizý boıynsha ádisnama jasalady.
Kezdesý sońynda taraptar ózara tıimdi yntymaqtastyqty odan ári damytatyn aıtarlyqtaı áleýet pen perspektıvalyq baǵyttardy atap ótti.