Qala basshysy Bostandyq, Naýryzbaı, Alataý, Jetisý, Túrksib, Medeý aýdandaryndaǵy medısınalyq mekemelerde bolyp, Almaty qalasynyń densaýlyq saqtaý nysandarynyń jaǵdaıymen tanysty, dep habarlaıdy Almaty-akshamy.kz.
Qalada náreste óliminiń joǵary deńgeıiniń saqtalýyna baılanysty eń iri bosandyrý mekemesi – Almaty Perınatologıa jáne balalar kardıohırýrgıasy ortalyǵy qala ákimi barǵan alǵashqy nysan boldy.
Jyl saıyn ortalyq 12 myńnan astam adamǵa medısınalyq kómek kórsetedi, mamandar joǵary qaýipti sanattaǵy 9000-nan astam bosanýdy qabyldaıdy, oǵan salmaǵy óte tómen, týa bitken júrek aýytqýlary jáne basqa patologıalary bar balalar jatady. Ortalyqta balalardy kútý jáne kardıohırýrgıalyq otalar júrgizý úshin bilikti kadrlar bar (ortasha eseppen jylyna 150-200 ota jasalady). Alaıda, ortalyqtyń qoldanystaǵy ınfraqurylymy, ásirese operasıalyq-reanımasıalyq bólimsheler men emhanalar kúrdeli jóndeýdi jáne jańǵyrtýdy talap etedi. Operasıalyq bólmelerde jeldetý múldem jumys istemeıdi, jylytý júıelerin, káriz qubyrlaryn aýystyrý, shatyrdy, lıftilerdi jóndeý jáne basqalar qajet. Almaty ákimi Erbolat Dosaev qoǵamdyq densaýlyq saqtaý basqarmasyna qalanyń qurylys basqarmasymen birlesip, 2023 jyly qurylys-montaj jumystaryna kirisý úshin osy problemalardy keshendi sheshý úshin qajetti izdestirý jáne jobalaý jumystaryn júrgizýdi tapsyrdy.
Qala basshysy qalanyń úsh aýdanynyń (Naýryzbaı, Áýezov, Aalataý) turǵyndaryna qyzmet kórsetetin №7 qalalyq aýrýhanaǵa bardy, olar halyqtyń eń joǵary tabıǵı ósimimen, sondaı-aq kóshi-qon saldosymen erekshelenedi, sondyqtan aýrýhanadaǵy aıtarlyqtaı júkteme sapaly ınfraqurylymdy qajet etedi. Qabyldaý bólmesiniń jańa korpýsymen tanysqannan keıin Almaty ákimi óziniń jumys sapary barysynda anyqtalǵan kemshilikterdi qurylys basqarmasyna qurylys salýshymen birge qysqa merzimde joıýdy tapsyrdy. Atap aıtqanda, jabdyqtaý-jeldetý júıesi, ınjenerlik sheshimder jáne jabdyqpen tolyq jabdyqtaý boıynsha jumystar júrgizý qajet. Erbolat Dosaev sondaı-aq aýrýhananyń eski korpýsynyń operasıalyq blogyn modernızasıalaýdy tapsyrdy. Jobalaý jumystaryna qajetti qarajat aǵymdaǵy jyly búdjetti kúzgi naqtylaý kezinde bólinetin bolady.
Qala ákimi barǵan kelesi nysan Alataý aýdanynyń turǵyndaryna MSAK aıasynda kómek kórsetetin №22 qalalyq emhana boldy. Qala basshysy alǵashqy medısınalyq-sanıtarlyq kómekti damytý densaýlyq saqtaý salasyn damytý úshin mańyzdy basymdyq bolyp tabylatynyn atap ótti. E.Dosaev emhananyń barlyq bólimsheleriniń jumysymen tanysyp, dárigerler men ınfraqurylymǵa túsetin joǵary júktemeni atap ótti. Búginde emhana bir aýysymda 200 kelýshige arnalǵan josparly qýattylyqtan eki ese shamadan tys júktelgen. Bul máseleni sheshý úshin "Saıaly" shaǵynaýdanynda bir aýysymda 200 adam qabyldaıtyn otbasylyq-dárigerlik ambýlatorıa qurylysy júrgizilýde. Jańa İAQ osy emhananyń júktemesin azaıtyp, Alataý aýdanynyń "Kókqaınar", "Saıaly" jáne "Tomırıs" shaǵynaýdan turǵyndaryna medısınalyq kómektiń qoljetimdiligi men sapasyn arttyrýǵa múmkindik beredi.
Erbolat Dosaev Jetisý aýdanyndaǵy 66 776 adam tirkelgen №11 qalalyq emhanada boldy. Emhana bir aýysymda 700 kelýshige arnalǵan. Emhana korpýstarynyń birinde seısmıkalyq kúsheıtýmen kúrdeli jóndeý aıaqtalýda. Almaty ákimi qurylys basqarmasyna qurylys jumystarynyń sapasyn baqylaýdy kúsheıtýdi tapsyrdy. E.Dosaevty Jetisý aýdanynyń turǵyndaryna KDÝ tizimin keńeıtý úshin emhana aýmaǵynda kompúterlik tomografıa modýldik ortalyǵyn salý boıynsha josparlarmen tanystyrdy.
Jumys sapary barysynda qala ákimi №4 qalalyq klınıkalyq aýrýhanaǵa bardy. Klınıka travmatologıa jáne ortopedıaǵa mamandandyrylǵan jáne Túrksib, Jetisý aýdandary men Alataý aýdany turǵyndarynyń bir bóligine qyzmet kórsetedi. Jyl saıyn medısınalyq mekemege 80 myńnan astam pasıent júginedi. Búginde trıaj júıesiniń standarttaryna sáıkes pasıentter aǵynyn tıimdi bólý úshin qabyldaý bólimshesin modernızasıalaý óte qajet. Sondaı-aq, qala ákimine zerthanalyq bólimshelerdiń jumysyn sapaly jaqsartý úshin jeke ınvestısıalardy tartý boıynsha josparlar usynyldy. Erbolat Dosaev memlekettik-jeke menshik áriptestik aıasynda ınvestorlardyń usynystaryn zerdeleýdi jáne aýrýhananyń qabyldaý bólmesin qaıta qurý boıynsha jobalyq jumystardy bastaýdy tapsyrdy, óıtkeni ol travmatologıa jáne ortopedıa salasyndaǵy quzyrettiliktiń ozyq ortalyǵy bolýy tıis.
Qala basshysy sondaı-aq qalanyń barlyq turǵyndaryna, sondaı-aq Qazaqstan óńirlerinen kelgen pasıentterge qyzmet kórsetetin qalalyq onkologıalyq ortalyqta boldy. Qazirgi ýaqytta Medeý aýdanynda 250 tósektik onkologıalyq ortalyqtyń qurylysy boıynsha jobalyq-smetalyq qujattama ázirlenýde. Almaty ákimi qurylys jáne densaýlyq saqtaý basqarmalaryna onkologıalyq stasıonardyń aǵymdaǵy júktemesin eskere otyryp, usynylatyn tósek qorynyń qajettiligin qosymsha zerdeleýdi tapsyrdy. Sonymen qatar, qala basshysy densaýlyq saqtaý basqarmasynyń nazaryn onkologıalyq naýqastardy erte anyqtaý jáne skrınıng boıynsha MSAK deńgeıinde jumysty kúsheıtý qajettigine aýdardy.
Erbolat Dosaev Medeý aýdanyndaǵy qala ortalyǵynan óte alys ornalasqan «Alataý» aýrýhanasynda bolyp, ǵımarattyń seısmıkalyq kúsheıtý jumystarynyń barysymen, sondaı-aq emhanany damytý jáne jabdyqtaý josparlarymen tanysty. Búginde emhana ǵımaraty ınjenerlik jelilerdi modernızasıalaýdy, kúrdeli jóndeýdi qajet etedi. Osy emhana aýmaǵynda kompúterlik tomografıanyń modýldik ortalyǵynyń qurylysy boıynsha jobalaý jumystary júrgizilýde.
Jumys saparynyń qorytyndysy boıynsha qala ákimi Almaty qalasynyń densaýlyq saqtaý júıesin jetildirý, atap aıtqanda, «qadamdyq qoljetimdilik» qaǵıdaty aıasynda halyqty sapaly medısınalyq qyzmettermen qamtamasyz etý jóninde naqty tapsyrmalar berdi.