Pandemıa birinshi kezekte neni jaqsartý kerektigin kórsetti
Dúnıejúzilik densaýlyq saqtaý uıymynyń bas dırektory Tedros Gebreıesýspen kezdesý barysynda densaýlyq saqtaý salasyndaǵy yntymaqtastyqty nyǵaıtý, onyń ishinde COVID-19-ǵa qarsy is-qımyl, mamandardy oqytý jáne jańa tehnologıalardy tartý máseleleri talqylandy, dep habarlaıdy Almaty-akshamy.kz.
Kezdesýge sondaı-aq Qazaqstan Respýblıkasynyń densaýlyq saqtaý mınıstri Ajar Ǵınıat ta qatysty.
Talqylaý barysynda Almaty qalasyndaǵy epıdemıologıalyq jaǵdaıdyń turaqty bolyp qalatyny – qalanyń «jasyl aımaqta» turǵany, koronavırýstyq ınfeksıamen kúresý úshin qajetti resýrstarmen qamtamasyz etilgeni jáne DDU usynymdaryn ustanatyny atap ótildi. Qala basshysy Erbolat Dosaev COVID-19 qalanyń densaýlyq saqtaý júıesindegi álsiz jerlerdi ashqanyn atap ótti.
«Pandemıa birinshi kezekte neni jaqsartý kerektigin kórsetti jáne biz qajetti jumystardy júrgizýge nıettimiz, onyń ishinde alǵashqy medısınalyq-sanıtarlyq kómektiń (MSAK) yqpaly turǵysynan kórsetti. Biz qaladaǵy jaǵdaıdy jaqsartýǵa nıettimiz. Ol úshin medısınalyq mekemelerge jóndeý jáne jańǵyrtý júrgizýdi, kadrlyq áleýetti kúsheıtýdi jáne DDU-nyń ozyq praktıkalary men usynymdaryn iske asyrý alańyna aınaldyrýdy josparlaýdamyz. Kelesi 2-3 jyl qalalyq densaýlyq saqtaý júıesin reformalaý úshin óte mańyzdy», - dedi Almaty ákimi.
Óz kezeginde Dúnıejúzilik densaýlyq saqtaý uıymynyń basshysy Tedros Gebreıesýs qala basshysyn qoldady, alǵashqy medısınalyq-sanıtarlyq kómektiń mańyzdylyǵyn atap ótti jáne Qazaqstannyń osy saladaǵy tájirıbesin joǵary baǵalady (Qazaqstan MSAK-tyń otany bolyp sanalady, MSAK jónindegi Almaty deklarasıasy 1978 jylǵy 12 qyrkúıekte qabyldandy, 2015 jyly Almatyda MSAK jónindegi DDU-nyń ofısi ashyldy).
«DDU álemge kóptegen múmkindikter beretin alǵashqy medısınalyq-sanıtarlyq kómek ortalyǵyna shoǵyrlanǵan. Kelesi jyly Nú-Iorkte medısınalyq saqtandyrýmen jalpy qamtý boıynsha joǵary deńgeıdegi kezdesý ótedi. Biz Qazaqstannyń ózimizben birge jumys istegenin jáne alǵashqy medısınalyq-sanıtarlyq kómek aspektileri boıynsha jetekshi ról atqarǵanyn qalaımyz», – dedi Tedros Gebreıesýs.
Taraptar sondaı-aq Almaty aýmaǵynda jumys isteıtin DDU-nyń MSAK jónindegi geografıalyq jaǵynan qashyq ornalasqan óńirlik ofısi aıasynda yntymaqtastyqty kúsheıtý týraly ýaǵdalasty.
Qala basshysy Almatynyń densaýlyq saqtaý salasyn damytý úshin ozyq álemdik tájirıbe men úzdik praktıkany paıdalanýǵa asa múddeli ekenin atap ótti.