QHR-ǵa jumys sapary aıasynda Almaty ákimi Erbolat Dosaevtyń Qytaı Eksporttyq-Importtyq bankiniń (China Exim Bank) prezıdenti Van Chýnınmen kezdesýi ótti.
Kelissózderdiń basty taqyryby negizgi ınfraqurylymdyq jobalardy qarjylandyrý sharttaryn talqylaý, atap aıtqanda, Almaty metropolıteniniń jelisin keńeıtý boldy.
«Biz belsendi jáne jemisti yntymaqtastyqtyń negizi bolyp tabylatyn elderimizdiń kóshbasshylary arasyndaǵy tyǵyz saıası dıalogty joǵary baǵalaımyz. Almatyda metro jelilerin salý jónindegi jobalar Qazaqstan Respýblıkasy Úkimetiniń kepildigimen syrtqy qaryz alýdy tarta otyryp, ERS+F-kelisimshart qaǵıdaty boıynsha iske asyrylatyn bolady. Biz osy jobany qarjylandyrý sharttary boıynsha China Exim Bank usynystaryn egjeı - tegjeıli talqylaýǵa daıynbyz, sondaı-aq basqa da ınfraqurylymdyq jobalardy iske asyrýǵa qatysýǵa shaqyramyz», - dep atap ótti Almaty ákimi Erbolat Dosaev.
Óz kezeginde, Van Chýnın hanym Exim Bank Qazaqstanda 16 jyl boıy túrli jobalardy qarjylandyrýmen aınalysyp kele jatqanyn jáne jol ınfraqurylymyn, energetıkany, ónerkásipti jáne jyljymaıtyn múlikti salý obektilerin ınvestısıalaýda mol tájirıbesi bar ekenin habarlady.
«Bizdiń Qazaqstanmen ózara is-qımylymyzdyń mańyzdy salasy kólik, ınfraqurylymdyq qurylys salý bolyp tabylady. 5 iri jol jobasy boıynsha bizde 2,4 mlrd. AQSH dollary kóleminde kelisim shart jasalǵan. Qazir biz Almaty ákimdigimen yntymaqtastyq úshin barlyq kúsh - jigerimizdi jumsaýǵa daıynbyz», - dedi Van Chýnın.
Kezdesý qorytyndysy boıynsha taraptar birlesken jumysty jalǵastyrýǵa jáne seriktestik qatynastardy nyǵaıtýǵa daıyn ekendikterin bildirdi.
Anyqtama:
China Exim Bank (Qytaı Eksım banki) 1994 jyly qurylǵan. Banktiń Qytaıda, Parıjde 32 fılıaly, sondaı-aq Gonkongta, Afrıkanyń birqatar elderinde, Reseıde, Polshada, Chılıde jáne Ózbekstanda ókildikteri bar. Bank Qytaıdyń syrtqy saýdasyn, ınvestısıalaryn jáne halyqaralyq ekonomıkalyq yntymaqtastyǵyn qoldaýmen aınalysady, turaqty damýdy qoldaý úshin «jasyl» nesıeleýdi belsendi túrde ilgeriletýde.