Almaty ákimi Erbolat Dosaev Túrksib aýdanyndaǵy Samal Water zaýytynda bolyp, qaıta qurý nátıjelerimen jáne óndiristi odan ári keńeıtý josparlarymen tanysty, dep habarlaıdy aqshamnews.kz
«Bıznes Park Navıgator» JSHS zaýyty aýyz sýdy óndirýge, jetkizýge jáne satýǵa mamandanǵan. Kásiporyndy qaıta qurý 2024 jyly aıaqtaldy jáne ınjenerlik komýnıkasıalardy aýystyrýdy, aýyz sý óndirýge arnalǵan zamanaýı jabdyqtardy ornatýdy, irgeles aýmaqty abattandyrýdy (asfálttaý, jaryqtandyrý, kógaldandyrý) qamtıdy.
Investısıalardyń jalpy kólemi 12,4 mlrd teńgeni, qosymsha ınvestısıalar 5,7 mlrd teńgeni quraıdy. Zaýytta 336 turaqty jumys orny quryldy, jyl saıynǵy salyq aýdarymdary 215 mln teńgeni quraıdy, jańǵyrtý aıaqtalǵannan keıin 282 mln teńgege deıin ulǵaıtylady. Zaýyt josparynda óndiris kólemin ulǵaıtý ǵana emes, sonymen qatar Reseıge, Qytaıǵa, Qyrǵyzstanǵa jáne Ózbekstanǵa eksportty qosa alǵanda, halyqaralyq naryqtardaǵy pozısıalardy nyǵaıtý bar.
Zaýyt aýmaǵynda sýdyń joǵary sapasyn qamtamasyz etetin tereńdigi 250 metr bolatyn eki artezıan uńǵymasy jáne ónimdi jetkizýge arnalǵan 15 uzyn ólshemdi júk kóligi men 125 júk kóligin qamtıtyn jeke avtopark bar. Kásiporynda eki óndiristik jeli ornatylǵan: kólemi 0,25-ten 2 lıtrge deıin jáne kólemi 6 lıtrge deıingi PET-bótelkelerge sý quıý.
Jańǵyrtýdyń kelesi kezeńi sheńberinde 2024-2025 jyldary shyny bótelkelerge sý quıýdyń jańa jelisin ornatý, dámdik sýsyndar jelisin iske qosý, óndiristik qýattylyqty aıyna 15 mln lıtrge deıin ulǵaıtý josparlanýda.
Erbolat Dosaev zaýyt jobasy Almatynyń óndiristik sektoryna ekonomıkalyq ósýge, jańa jumys oryndaryn qurýǵa jáne qalanyń eksporttyq áleýetin keńeıtýge yqpal etetin tabysty ınvestısıalardyń mańyzdy úlgisi bolyp tabylatynyn atap ótti.