Almaty qalasynyń ákimi Erbolat Dosaev pravoslavıe hrıstıandaryn Rojdestvo merekesimen quttyqtady, dep habarlaıdy Almaty-akshamy.kz
«Almatylyqtar kelisim men beıbitshilikti beıneleıtin osy jarqyn merekeni qýanyshpen jáne úmitpen qarsy alady. Rojdestvony toılaý barlyq qazaqstandyq úshin kópultty halqymyzdyń birligin, adamı qundylyqtardyń birligin kórsetetin ıgi dástúr bolyp tabylady», - dedi qala basshysy.
Ákim pravoslavıe basqa konfesıalarmen qatar otandastarymyzdyń ómiriniń mańyzdy quramdas bóligi bolyp tabylatynyn, jalpyulttyq birlikti nyǵaıtýǵa yqpal etetinin, mádenıet pen dástúrdiń san túrli baılyǵyn saqtaıtynyn atap ótti.
«Bul jarqyn Rojdestvo kúnderinde barlyq pravoslavıe hrıstıandaryna baqyt pen amandyq, al Otanymyz – Qazaqstan Respýblıkasyna beıbitshilik pen ósip-órkendeý tileımin!», - dedi Erbolat Dosaev.