Almaty ákimi Erbolat Dosaev memleket qaıratkeri Berdibek Saparbaevtyń otbasy men týystaryna kóńil aıtty, dep habarlaıdy Almaty-akshamy.kz
Almaty qalasynyń ákimi Erbolat Dosaev kórnekti memleket jáne qoǵam qaıratkeri Berdibek Saparbaevtyń ómirden ótýine baılanysty orny tolmas aýyr qaıǵyǵa ortaqtasyp, otbasy men aǵaıyn-týystaryna kóńil aıtty.
«Berdibek Mashbekuly san túrli salada eńbek etip, 45 jyldan astam ýaqyt memlekettik qyzmette elimizdiń órkendeýine qomaqty úles qosty. Táýelsizdikti nyǵaıtý jolynda qatardaǵy ekonomısen QR Premer-mınıstriniń orynbasaryna deıingi laýazymdy qyzmetterdi abyroımen atqardy. Árdaıym jaýapty qyzmettiń tutqasyn ustap, qysyltaıań ýaqytta da júktelgen kúrdeli mindetti tıanaqty oryndap, eldiń seniminen shyǵa bildi».
Erbolat Dosaev Berdibek Saparbaevtyń jarqyn beınesi halyqtyń júreginde máńgi saqtalatyna senim bildirdi.