ArtSport baǵdarlamasynyń iske asyrylýyn taldaý negizgi problemalardy anyqtaýǵa jáne tıisti qorytyndy jasaýǵa kómektesti, dep málimdedi OKQ brıfıńinde Almaty ákimi Erbolat Dosaev.
Qala basshysy platformanyń jumysy kóp shaǵym týdyrǵanyn aıtty: balalarǵa birneshe vaýcher berildi, sabaqqa qatysýdy qadaǵalaý múmkin bolmady, sabaqqa qatysý týraly tabelderdegi derekter ońaı qoldan jasalǵan. Artsport-qa qatysty tekserýge Almaty ákimdigi bastamashyl boldy, dep habarlaıdy Almaty-akshamy.kz.
"Adamdar aldandy,óıtkeni naqty talaptar joq: seniń tıisti biliktiligiń,qajetti sertıfıkattaryń bar ma, balalarmen jumys isteı alasyń ba? Munda basty nazarda tek sandar ǵana bolody, qansha adam jumys ischtese, balalar sany da sonsha boldy. Balalar sanyna qaraı aqsha tólendi. Biz bul jaǵdaıdan barlyq tıisti qorytyndy jasadyq", - dedi Erbolat Dosaev.
OKQ brıfıńinde qala basshysyna ArtSport baǵdarlamasynda jumys istegen jattyqtyrýshylardyń sottalǵandyǵy týraly suraq qoıyldy. Almaty ákimi balalardyń ata-analarynan kámeletke tolmaǵandarǵa qatysty zańsyz áreketter týraly quqyq qorǵaý organdaryna birde-bir ótinish túspegenin habarlady. Erbolat Dosaev qajet bolǵan jaǵdaıda jáne osyndaı faktilerdi anyqtalǵan kezde otbasylarǵa qoldaý kórsetiletinine sendirdi.
Qazir tegin úıirmeler men seksıalarǵa jazylý DamuBala elektrondyq portaly arqyly júzege asyrylady. Jańa baǵdarlamany iske asyrý úshin 20 mlrd teńgeden astam qarjy bólindi. Platformada ata-analar balanyń qaıda jáne qalaı aınalysatynyn baqylaı alatyn jáne quqyq qorǵaý organdary tıisti baqylaýdy júzege asyratyn naqty jáne túsinikti krıterııler bar. Qazirgi ýaqytta 65 086 bala vaýcher aldy. Kezek búdjet qarajatynyń bosaýyna sáıkes júretin bolady.