Almaty ákiminiń orynbasary Asqar Ámrın ákim Erbolat Dosaevtyń tapsyrmasy boıynsha balalar aýrýhanasyn, mektepter men lıseılerdi qosqanda, búdjet qarjysyna iske asyrylatyn problemalyq qurylys jáne rekonstrýksıalaý nysandaryn aralap shyqty, dep habarlaıdy Almaty-akshamy.kz.
Birinshi nysan SHJQ «Balalar shuǵyl medısınalyq kómek ortalyǵy» MKK boldy.
Asqar Amrın 2021 jyldyń 21 shildesinde bastalǵan osy aýrýhananyń operasıalyq blogy bar qabyldaý bólimshesiniń korpýsyn salý boıynsha júrgizilip jatqan jumystardyń barysymen tanysty.
Merdiger uıym «Aq Ordasy korporasıasy» JSHS bolyp tabylady. Bastapqyda merzimi 2022 jyldyń 30 qyrkúıeginde delingen.
Merzimderdiń uzartylýyna qaramastan, merdiger osy ýaqytqa deıin jumystardy aıaqtaǵan joq. Osyǵan baılanysty ákimdik merdiger uıymǵa qatysty sotqa talap aryz berdi. Almaty qalasynyń mamandandyrylǵan aýdanaralyq ekonomıkalyq sotynyń 2023 jylǵy 3 shildedegi sheshimimen «Aq Ordasy korporasıasy» JSHS memlekettik satyp alýdyń jaýapsyz qatysýshysy bolyp tanyldy, memleket paıdasyna 12,3 mln teńge somasynda turaqsyzdyq aıyby óndirildi.
Budan basqa, merdigerlik uıymǵa qatysty «Ákimshilik quqyq buzýshylyq týraly» QR Kodeksiniń 312-babynyń 2-tarmaǵyna sáıkes qurylys-montajdaý jumystaryna lısenzıanyń bir kishi túrinen aıyra otyryp, aıyppul salý túrinde sharalar qabyldandy.
Búgingi tańda ǵımarat qańqasy, shatyr, syrtqy qabyrǵalar men bólimderdi qalaý, tereze bloktary jáne birinshi árleý jumystary aıaqtaldy. Injenerlik komýnıkasıalar, lıftilerdi ornatý, qasbet, árleý, abattandyrý boıynsha jumystar aıaqtalyp keledi. Nysan 85% daıyn. Qajetti jabdyqty satyp alý - 96%. Qurylys-montajdaý jumystary aıaqtalǵan kezde qazirgi ýaqytta satyp alynǵan jáne qoımalarda ornalasqan jabdyq ornatylady.
Qurylys salýshyǵa osy nysan boıynsha jumystardy 2023 jyldyń qyrkúıek aıynyń sońyna deıin aıaqtaý tapsyryldy.
Jumys sapary barysynda Almaty qalasy ákiminiń orynbasary Asqar Ámrın №9 mektep-ınternatqa qosymsha qurylys boıynsha júrgizilip jatqan jumystardyń barysymen tanysty.
Osy nysan boıynsha qurylys-montaj jumystary 2021 jyldyń shildesinde bastalyp, byltyr qarasha aıynda aıaqtalýy tıis bolatyn. «Barat & Co» JSHS merdigerlik uıymyna qatysty jumys óndirisiniń buzylýy jáne sapasyz materıaldardy qoldaný faktileri boıynsha 2022 jylǵy jeltoqsanda Almaty ákimdigi sotqa talap aryz berdi.
Almaty qalasynyń mamandandyrylǵan aýdanaralyq ekonomıkalyq sotynyń 2023 jylǵy 26 maýsymdaǵy №7527-23-00-2/3201 sheshimimen «Barat & Co» JSHS merdigerine 6,5 mln teńge aıyppul salyndy.
Búgingi tańda nysan 99% daıyn. Injenerlik jelilerdi qurylys alańynyń astynan, syrtqy qabyrǵalar men ishki bólimderden kóshirý boıynsha jumystar aıaqtaldy, árleý jumystary, tereze bloktary, shatyr, syrtqy qasbet jáne aýmaqtyń perımetri boıynsha qorshaýlar ornatyldy, sýmen jabdyqtaý, sý burý jáne jylýmen jabdyqtaýdyń ınjenerlik jelileri qosyldy.
Merdiger uıymdarǵa 2023-2024 jańa oqý jylyna barlyq jumystardy aıaqtaý tapsyryldy.
Almaty ákimi orynbasarynyń taǵy bir nysany №48 mektep-lıseı boldy. Almaty Asqar Ámrın 2021 jyldyń shildesinde bastalǵan osy oqý ornynyń ǵımaratyn qaıta jańartý boıynsha júrgizilip jatqan jumystardyń barysymen tanysty.
Qurylystyń normatıvtik merzimi - 10 aı. Qurylys materıaldarynyń qymbattaýyna baılanysty 2022 jyly jobalaý-smetalyq qujattamaǵa túzetý engizildi. Jumystyń aıaqtalý merzimi 2023 jyldyń 31 qańtaryna deıin uzartyldy. «Rıgolıt» JSHS merdigerlik uıymyna qatysty mindettemelerdiń sapasyz oryndalýyna baılanysty sotqa talap aryz berildi. Qazirgi ýaqytta sot júrip jatyr.
Búginde nysannyń daıyndyǵy 99%. 1 jáne 2 bloktar boıynsha ǵımarattardy seısmıkalyq kúsheıtý jumystary júrgizildi, ishki ınjenerlik jeliler aýystyryldy, ishki jáne syrtqy árleý jumystary aıaqtaldy. 3, 4, 5 bloktar boıynsha barlyq monolıtti jumys aıaqtaldy, ınjenerlik jeliler júrgizilip, qosyldy, ǵımarattyń shatyry men tereze bloktary ornatyldy, ishki árleý jumystary júrgizildi. 3, 4, 5 bloktardy syrtqy árleý, aýmaqty abattandyrý jáne jabdyqty paıdanalý boıynsha jumystar júrgizilýde.
Oqý jylynyń basynda nysandy paıdalanýǵa berý josparlanyp otyr.
Sonymen qatar, Almaty qalasynyń Bostandyq aýdanyndaǵy №145 jalpy bilim beretin mektep ǵımaratynyń daıyndyǵy búginde 85%. Ǵımarat qurylymdaryn seısmıkalyq kúsheıtý, ishki bólimder men tereze bloktaryn ornatý jumystary aıaqtaldy, ishki ınjenerlik ınfraqurylym júrgizildi, biraq ishki árleý jáne qasbettik jumystar jalǵasýda. Bul týraly Almaty qalasynyń ákimi Asqar Ámrınge búdjet qarajaty esebinen iske asyrylatyn qurylys nysandaryn aralaý barysynda merdiger uıymnyń ókilderi baıandady.
Nysandy qalpyna keltirý jumystarymen jáne kúrdeli jóndeýmen seısmıkalyq kúsheıtý jumystary 2021 jyldyń 12 shildesinde bastaldy. Qurylystyń aıaqtalý merzimi - 2023 jylǵy 30 qańtar.
2023 jyldyń aqpan aıynda Almaty qalasynyń ákimdigi «Aq ordasy korporasıasy» JSHS merdigerlik uıymyna sotqa talap aryz berdi. Sot sheshimimen «Aq ordasy korporasıasy» JSHS-ne 3,5 mln teńge kóleminde aıyppul salyndy, memlekettik satyp alýǵa jaýapsyz qatysýshy dep tanýdan bas tartyldy. Apelásıalyq sottyń qaýlysymen sheshim ózgerissiz qaldy.
Merdiger uıymǵa nysan boıynsha jumystardy 2023 jyldyń 20 qyrkúıegine deıin aıaqtaý tapsyryldy.
Almaty ákiminiń orynbasary Asqar Ámrın jumys sapary barysynda Túrksib aýdanyndaǵy Jas Qanat shaǵyn aýdanyna bardy.
Munda aýdany 163 098 sh.m. 41 úıdiń (3 116 páter) qurylys-montajdaý jumystary jalǵasýda. 31 úı nemese aýdany 122 859 sh. m. 2 344 páter paıdalanýǵa berildi. 2023 jyldyń sońyna deıin taǵy 5 úı nemese 473 páter (22 myń sh. m.) paıdalanýǵa berý kózdelgen. Sonymen birge, salynyp jatqan úılerge irgeles aýlalardy abattandyrý jumystary júrgizilýde. Bul týraly Almaty qalasynyń ákimi Asqar Ámrınge qurylys nysandaryn aralaý barysynda merdiger uıymnyń ókilderi baıandady.
Aıta ketý kerek, úıler 2022 jyldyń jeltoqsanynda paıdalanýǵa berilýge tıis edi. Jumystardyń jaýapsyz oryndalýyna baılanysty, tapsyrý merziminiń edáýir keshiktirilýine ákep soqtyrǵan «Rıgolıt» JSHS, «Kapıtalproekt Grýpp» JSHS, «Hadıt» JSHS, «Promkomplekt» JSHS, «Shah» JSHS jáne «VK-Sapa QURYLYS» JSHS merdigerlik uıymdaryna olardy memlekettik satyp alýǵa jaýapsyz qatysýshylar dep taný týraly talap aryzdar berildi. Qazirgi ýaqytta sot júrip jatyr.
Abattandyrý jobasymen 12 aýlany abattandyrý kózdelgen. Abattandyrý nysandary 60%-ǵa daıyn.
Qazirgi tańda 8 aýla boıynsha jumystar júrgizilýde, aýlalardy asfálttaý jáne shaǵyn sáýlet nysandary ornatý aıaqtaldy. Bıyl 10 qyrkúıekke deıin qalǵan shaǵyn sáýlet nysandaryn ornatý jáne kógaldandyrý jumystary bitedi. Qalǵan 4 aýla boıynsha jumystar 15 qyrkúıekte bastalyp, 2023 jyldyń qarashasynda aıaqtalady.
Merdiger uıymǵa jumys qarqynyn jedeldetý tapsyryldy.