Bul týraly megapolıs basshysy Baqytjan Saǵyntaev óziniń ınstagram paraqshasynda jazdy.
Qala basshysynyń aıtýynsha, tıktokshylarǵa beınebaıan túsirýge yńǵaıly oryn usynylmaq, dep habarlaıdy Almaty-akshamy.kz
«Aldyńǵy qatarly almatylyq tıktokerlermen jáne prodúserlermen tanymal jastar baǵytyn qoldaý men ony damytý máselelerin talqyladyq. Kreatıvti ındýstrıany damytý strategıasy aıasynda daryndy jastardyń ózin-ózi tanytýy úshin jaǵdaı jasaıtyn bolamyz. Almatynyń tórtten bir bóligi 18 jasqa deıingi jastar ekeni belgili. Joǵary oqý oryndarynda 168 myń stýdent, kolejde 68 myń stýdent bilim alady», -delingen ákimniń ınstagramynda.
Almatylyq tıktokerlerdiń tabysy — óz aldyna bir bólek áńgime.
«Bizdegi Haýstar 10 myń adamnyń ishinen búkil álem boıynsha 2-3 oryn alady. Tanymal Tik Tok Haýser tıktokerleri men prodúserleri tájirıbe almasýǵa, damýǵa, sondaı-aq jańadan kelgenderdiń shyǵarmashylyǵyn monetızasıalaýǵa kómektesýge daıyn. Biz óz tarapymyzdan jaıly jaǵdaı jasaýǵa nemese beınebaıan túsirýge yńǵaıly oryn usyný boıynsha qoldaý kórsetemiz. Tanymal Tik Tok juldyzdarynyń qala ómirine atsalysyp, Almatynyń týrısik brendin qalyptastyryp, damytýǵa, barsha álemge súıikti qalamyz týraly jar salyp, qalalyq qoǵamdastyqtyń ózekti máselelerin sheshýge kómektesýge daıyn ekendigi qýantady», -dep jazdy Baqytjan Saǵyntaev.
