Megapolıstiń birneshe shaǵyn aýdany bir aptaǵa jýyq sýsyz qalǵan. Qala ákimshiligi turǵyndardy sýmen qamtamasyz etýge mindetti kompanıanyń sot arqyly jaýapqa tartylatynyn málim etti, dep habarlaıdy almaty-akshamy.kz.
«Vodsnab GPV» JSHS (burynǵy «Orhan» JSHS) - «Asqartaý», «Ermensaı», «Aqtóbe» shaǵyn aýdandarynyń, «Remızovka» baý-baqsha seriktestigi, «Drýjba» baý-baqsha seriktestigi, «Kýrortnoe» baý-baqsha seriktestigi jáne «Remızovka», «Sakýra», «Dınastıa» syndy iri TÚK turǵyndary úshin basty sý jetkizýshi.
17 mamyr kúni atalmysh kompanıanyń jeke menshigindegi sýmen jabdyqtaý qubyry jarylǵan. Tótenshe jaǵdaı 18 mamyrda joıylyp, biraq sol kúni sorǵy stansıasy isten shyqqan. 19 mamyrda sorǵy qalpyna keltirilse de, onyń qýattylyǵynyń tómendigine baılanysty sýmen qalypty jabdyqtaý múmkin bolmady. Qala ákimdiginiń aralasýynan keıin turǵyndardy sýmen qalypty qamtamasyz etý úshin «Vodsnab GPV» JSHS basqa sorǵyny satyp alyp, ornatady. Biraq turǵyndardyń bir mezette sý alýyna baılanysty sý qysymy tómendep ketken.
Almaty qalasy ákimdiginiń baspasóz qyzmetiniń habarlaýynsha, bul aýmaq oblystan qalaǵa qosylǵanǵa deıin de onda sý máselesi bolǵan.
- Aýdannyń ońtústik bóligi bir kezderi Almaty oblysynyń aýmaǵy bolǵan. Qalaǵa qosylýymen qordalanǵan máseleler, sonyń ishinde sýmen jabdyqtaý túıtkili de báz-baıaǵysha qaldy. «Vodsnab GPV» JSHS ál-Farabı dańǵylyndaǵy SHJQ «Almaty Sý» MKK qalalyq jelilerine qosylǵan jáne sý berý úshin óz sorǵylaryn paıdalanady. Sorǵylar jıi isten shyǵady, óıtkeni kompanıa jabdyqtar men jelilerdi qaıta qurýǵa aqsha shyǵarmaıdy. Injenerlik jelilerdi salý kezinde «Vodsnab GPV» JSHS qurylys normalaryn buzdy: tóseý tereńdigi tómendetilgesin (1.0 metrden az) qysta sý qubyry qatyp qaldy. Sonymen qatar qubyrlardyń gıdroızolásıasy joq, sý qubyry men káriz bir transheıada elektr jelilerimen qıylysady, jelilerdi baqylaý sqemalary joq, bekitý armatýralary aqaýly kúıde tur, - dep habarlady ákimdiktiń baspasóz