10 tamyz kúni saǵat 09:00-den 11:00-ge deıin Almatyda kólik qozǵalysy ýaqytsha shekteledi:
– Abaı dańǵyly boıymen — Nazarbaev dańǵylynan Dostyq dańǵylyna deıin;
– Dostyq dańǵyly boıymen — Qurmanǵazy kóshesinen Sátbaev kóshesine deıin.
Shekteýler Abaı Qunanbaıulynyń eskertkishine gúl shoqtaryn qoıý rásimine baılanysty engiziledi.
«Qala turǵyndary men qonaqtaryn uly aqynnyń rýhyna taǵzym etý maqsatyndaǵy saltanatty rásimge qatysýǵa shaqyramyz. İs-shara saǵat 10:00-de Respýblıka saraıynyń aldyndaǵy Abaı alańynda bastalady.
Ýaqytsha qozǵalys ózgeristerin eskerip, jol júrý erejelerin saqtaýlaryńyzdy suraımyz», – dep habarlady Almaty qalasy ákimdigi.
Eske salaıyq, Abaı Qunanbaıulynyń 180 jyldyǵyna oraı Almatyda jyl sońyna deıin 120-dan astam is-shara ótkizý josparlanǵan.