Almaty qalasynyń 3 jyldyq búdjeti bekitilgen qalalyq máslıhattyń kezekten tys sesıasy barysynda megapolıs ákimi Erbolat Dosaev kelesi jylǵa josparlanǵan kólik ınfraqurylymyn damytý jónindegi negizgi jobalar týraly aıtyp berdi.
«Biz qoǵamdyq kólik sapasyn damytýǵa basa nazar aýdara otyryp, Almaty qalasynyń kólik qańqasyn (karkasyn) qalyptastyrýdy jalǵastyrýdamyz. 2025 jyly ÚAAAJ radıaldy joldardy salý úshin Abaı dańǵyly men Saın kóshesin uzartý aıaqtalady, sondaı-aq Tilendıev jáne Soltústik aınalma kóshelerin uzartý bastalady. Jalpy, kólik qańqasyn qalyptastyrýdy jalǵastyrý jáne radıaldy joldardy uzartý úshin kelesi jylǵa 34 mlrd. teńge bólindi» - dedi Erbolat Dosaev.
Qala basshysy qoǵamdyq kólikterdiń sapasyn arttyrý úshin bıyl 600 gazben júretin jáne 100 elektrobýs satyp alynǵanyn atap ótti, bul qoǵamdyq kóliktiń ortasha paıdalaný merzimin 6 jyldan 2,5 jylǵa deıin tómendetýge, qala turǵyndarynyń saparlarynyń jaılylyǵy men ekologıalyq tazalyǵyn jaqsartýǵa múmkindik berdi. Sondaı - aq, aǵymdaǵy jyly troleıbýs parkin 100% jańartý aıaqtaldy-bul 212 troleıbýs. Sonymen qatar, 2025 jyly qosymsha 600 gazben júretin avtobýs pen 200 elektr avtobýsy satyp alynady.
«2025 jyly Almaty ákimdigi Jeltoqsan kóshesi boıynsha BRT jelisin salýdy jalǵastyrý, 100 jańa elektr avtobýstaryn satyp alý jáne troleıbýstarǵa arnalǵan 10 tartqysh qosalqy stansıalardy jańartý sıaqty jobalardy iske asyrý úshin alǵash ret «jasyl» oblıgasıalar shyǵarýdy josparlap otyr. Memleket basshysynyń tapsyrmasy boıynsha biz batys baǵyttaǵy qoldanystaǵy metro jelisin «Barlyq» bazaryna deıin keńeıtýge jáne shyǵys baǵytta Almaty qalasynyń halyqaralyq áýejaıyna deıin jańa jeli salý boıynsha syrttan qaryz tartý boıynsha belsendi jumystar júrgizip jatyrmyz", - dedi Erbolat Dosaev.