Almaty ákimdigi Túrksib aýdanynynyń aýmaǵynda sýmen jabdyqtaý jelileriniń qurylysy men abattandyrýdy sapasyz júrgizgen merdigerlerdi sotqa berdi, dep habarlaıdy almaty-akshamy.kz
Belgilengen kesteni oryndamaǵan merdigerler zań aldynda jaýap beredi. Almaty ákimi Erbolat Dosaevtyń tapsyrmasy boıynsha kópqabatty «Jas Qanat» TK qurylysyna jaýapty uıymdar – «Hadid» jáne «Promkomplekt» B JSHS-ge qatysty is sotta qaralýda, «SK SHAH» JSHS qatysty talap- aryz ázirlenýde, atalǵan merdigerlik uıym turǵyn kesheniniń aınalasyn abattandyrady. Ákimdik atqarylmaǵan jumystardyń ótemin qaıtarýdy jáne olardy memlekettik satyp alý merzimderin buzǵany ári jumystardy saprasyz atqarǵandary úshin jaýapsyz dep tanýdy talap etedi.
Qazir «Jas Qanat» kóppáterli turǵyn keshenindegi 41 úıdiń 30-y paıdalanýǵa berildi, taǵy 11 merdiger úılerdi kezeń-kezeńimen tapsyrýdy josparlaýda. Olardyń belgilengen kesteden artta qalýyna týra 1 jyl toldy.
Kórshi shaǵyn aýdandardaǵy ınjenerlik komýnıkasıalarǵa jaýapty merdigerlermen ákimdik arasyndaǵy ara-qatynas ta sot arqyly sheshiletin bolady. «Jas Qanat» sh/a sý qubyry men káriz salý úshin tıisti qarjyny alǵan «Jasyl El Qurylys» uıymy josyqsyz dep tanyldy. Ákimdik «Kompanıa Nýraı Stroıdy» sotqa berý úshin talap- aryz daıyndaýda. Merdiger «Nurshashkan» sh/a komýnıkasıalarmen aınalysqan. Aıyna 30-dan astam apattar, asfáltbeton jabynyndaǵy keleńsizdikter kompanıanyń jumysty sapasyz atqarǵanyn aıǵaqtaıdy. Almaty ákimi qurylys nysandaryn aralaý barysynda sapasy tómen materıaldardy paıdalanýǵa, jumysqa nemketti qaraýǵa bolmaıtyndyǵyna jiti nazar aýdardy: qalada óz mindetterine jaýapsyz qaraǵan merdigerlermen kelisim jasalmaıdy.
