İİM Almaty akademıasynyń ujymy men tyńdaýshylary Túrki áleminiń zańǵar aqyny, til janashyry, Qazaqstannyń Eńbek Eri Muhtar Shahanovpen kezdesti.
Aqıyq aqynmen bolǵan kezdesýdi akademıa bastyǵy A.Saıtbekov ashyp, jınalǵandardy onyń shyǵarmalarymen tanystyrdy, dep habarlaıdy Almaty-akshamy.kz Polisia.kz-ke silteme jasap.
Kezdesýde M.Shahanov rýhanı qundylyqtar jaıly, ata dástúr, ulttyq múdde, til týraly tebirene sóıledi. Qazaqtyń súıikti aqyny jınalǵandar aldynda ulttyq maǵynaǵa toly óz ıdeıalary, patrıottyq, ulttyq rýh týraly kózqarasy jaıly syr shertip, akademıa ujymy men tyńdaýshylaryna Qazaqstannyń jarqyn bolashaǵy jolyndaǵy qyzmetterine zor jetistikter tiledi.
Jeke quram men tyńdaýshylar qazaq halqynyń baı tarıhynan syr shertip, qazaq tili úshin kúresken kezdegi estelikterimen bólisken aqynmen kezdesýden úlken áser aldy. Otansúıgishtik rýhqa bólengen jastar súıikti aqyndaryna degen ystyq yqylasyn bildirip, estelikke sýretke tústi.