Taraz qalasynda ótken sambodan respýblıkalyq chempıonatynda Qazaqstan Respýblıkasy İİM M.Esbolatov atyndaǵy Almaty akademıasynyń 1-kýrs kýrsanttary júldeli oryndarǵa ıe bolyp, óziniń joǵary sporttyq nátıjelerin kórsetti.
Atalǵan dodada baq synaǵan kýrsanttar Ásem Qýandyqova 1-oryndy ıelense, Ramına Tursynǵalı óziniń salmaq dárejesinde 3-oryndy qanjyǵasyna baılady, dep habarlaıdy Almaty-akshamy.kz Polisia.kz-ke silteme jasap.
«Bul qyzdardyń laıyqty jeńisi jáne búkil akademıa úshin maqtanysh. Osylaısha olar qazaqstandyq polısıanyń abyroıyn kóterdi dep sanaımyz. Tabandylyq pen erik-jigerdiń arqasynda kýrsant qyzdar tuǵyrdyń shyńyna jetti, áli de úlken jetistikterge jetetinderine senimdimiz», – dep atap ótti QR İİM M.Esbolatov atyndaǵy Almaty akademıasy bastyǵynyń kómekshisi Elnar Jaqıanov.
Aıta keteıik, qyzdar sambomen bala kezinen aınalysady. Uzaq jáne maqsatty jumys, sondaı-aq jeńiske degen umtylys jas sportshylardy oıdaǵydaı nátıjege jetkizdi. Akademıada bul jetistiktiń vedimistik oqý ornynyń tarıhynda qalatynyn atap ótti.