Almaty akademıasynda M.Esbolatov aýdıtorıasy ashyldy.
QR İİM Maqan Esbolatov atyndaǵy Almaty akademıasynda Qazaqstan Respýblıkasy Konstıtýsıa kúni qarsańynda Qazaqstan Respýblıkasynyń kórnekti memleket qaıratkeri, KSRO jáne Qazaqstan Respýblıkasy İİM eńbek sińirgen qyzmetkeri, mılısıa general-maıory Maqan Esbolatov atyndaǵy aýdıtorıanyń ashylý saltanaty ótti, dep habarlaıdy Almaty-akshamy.kz Polisia.kz-ke silteme jasap.
Aýdıtorıanyń lentasyn akademıa basshysy Aıdar Saıtbekov pen generaldyń qyzy, otstavkadaǵy polkovnık Raýshan Maqanqyzy Esbolatova qıdy. Saltanatty jıynda Generaldar keńesi men Ardagerler keńesiniń ókilderi quttyqtaý sóz sóılep, esteliktermen bólisti.
Jınalǵandar Maqan Esbolatovtyń ómir joly men kishi leıtenattan mılısıa general-maıoryna deıingi jáne qatardaǵy qyzmetkerden Qazaq KSR İshki ister mınıstrine deıingi eńbek jolyn baıandaıtyn stendtermen tanysty. Sondaı-aq, aýdıtorıadan general-maıor M.Esbolatovtyń jeke zattary men memlekettik jáne vedimistik nagradalary da oryn aldy.
M.Esbolatov ishki ister organdarynyń bedelin arttyrýǵa zor úles qosqan tulǵa. Ol mınıstr bolyp turǵan kezde İshki ister organdarynyń materıaldyq-tehnıkalyq bazasyn nyǵaıtýǵa kóp kóńil bólindi, İİM aqparattyq-esepteý ortalyǵy salyndy, Almatyda alǵash ret EEM qoldanýmen kóshe qozǵalysyn basqarýdyń avtomattandyrylǵan júıesi engizildi jáne oblystyq İshki ister basqarmalarynda shtabtar, aldyn alý qyzmetteri men kezekshi bólimder quryldy.
Búkil respýblıka boıynsha qoǵamdyq tártiptiń tirek pýnktteri, erikti halyq jasaqtary, jedel otrádtar uıymdastyryldy.M.E. Esbolatov KSRO İİM Almaty arnaıy mılısıa orta mektebin (qazirgi akademıa) 12 jyl basqaryp, oqý-materıaldyq bazasyn qaıta jańartty. Onyń basshylyǵymen jańa oqý korpýsy, jataqhana, akt zaly jáne asqana salyndy, jylyjaı sharýashylyǵy quryldy. Osynyń barlyǵy 1991 jyldyń shildesinde orta oqý ornyn QR İİM Almaty joǵary mektebi etip qaıta qurýǵa múmkindik berdi, onyń birinshi bastyǵy bolyp M. E. Esbolatov taǵaıyndaldy.