İİM M.Esbolatov atyndaǵy Almaty akademıasynda Jas ǵalymdar keńesiniń keńeıtilgen otyrysy ótkizildi.
Keńes otyrysyna akademıanyń jas ǵalymdary men Joǵary oqý ornynan keıingi fakúltettiń (№3 fakúltet) ǵylymı-pedagogıkalyq jáne beıindik baǵyt boıynsha bilim alyp júrgen magıstranttary men doktoranttary qatysty, dep habarlaıdy Almaty-akshamy.kz Polisia.kz-ke silteme jasap.
«Órkenıetti elderde ǵalymdar eń joǵarǵy zıatkerlik top sanalady. Ǵylymda jańasha ári jaqsy nátıjege jetý úshin zertteýshiler qatary kóp bolýy kerek. Osyǵan oraı İshki ister mınıstri Marat Ahmetjanov ta “Ǵylymǵa erekshe den qoıylýy kerek” degen tapsyrma berip jatyr. Ózderińizge belgili, Memleket basshysy Qasym-Jomart Toqaev ǵylym týraly “Biz ǵylymǵa shynaıy berilgen azamattardy ǵana qoldaýymyz qajet. Onyń joldaryn jan-jaqty oılastyrǵan jón” degen bolatyn. Búgingi ǵylymı otyrystyń maqsaty – mindetterdiń oryndalý barysyn talqylaý», – dedi Jas ǵalymdar keńesiniń otyrysyn ashqan akademıa basshysy A. Saıtbekov.
Keńeste Jas ǵalymdar keńesiniń quramyn saılaý jáne bekitý týraly másele qozǵaldy. Sondaı-aq 3-kýrs doktoranty A. Berekenovtyń “Sandyq valútalardy paıdalana otyryp jasalǵan qylmystyq quqyq buzýshylyqtarǵa qarsy is-qımyldyń erekshelikteri” atty dısertasıalyq zertteý taqyryby men basqa da birneshe ǵylymı jumys talqylandy.