Qazaqstan polısıasy kúni qarsańynda İİM M.Esbolatov atyndaǵy Almaty akademıasynyń joǵary oqý ornynan keıingi fakúltetiniń doktorantýrasyn bitirgenderge sertıfıkat jáne magıstratýra túlekterine dıplom berildi.
Akademıanyń doktorantýra boıynsha bilim berý baǵdarlamasynyń tolyq teorıalyq kýrsyn bıyl 10 doktorant bitirse, ǵylymı pedagogıkalyq baǵyt boıynsha 15 magıstrant bitirdi, dep habarlaıdy Almaty-akshamy.kz Polisia.kz-ke silteme jasap.
" Magıstranttarǵa “Quqyq qorǵaý qyzmeti” baǵdarlamasy boıynsha “Ulttyq qaýipsizdik jáne áskerı is magıstri” dárejeleri men dıplom berildi. Magıstranttarǵa dıplomdaryn AlmaU menedjment ýnıversıtetiniń rektory, ekonomıka ǵylymdarynyń kandıdaty, PhD doktory G.Kýrenkeeva tabystady.
Akademıa bastyǵynyń mindetin ýaqytsha atqarýshy J.Dilbarhanova bitirýshilerdi dıplom alý saltanatymen quttyqtap, olarǵa elimizdiń ishki ister organdarynda abyroıly eńbek etip, jańa Qazaqstannyń jarqyn bolashaǵyna úles qosatyndyqtaryna senim bildirdi.
Jylda dástúrge aınalǵan general Rústem Qaıdarov atyndaǵy shákirtaqyǵa bıyl 2023-2024 oqý jylyndaǵy jetistikteri jáne ǵylymǵa qosqan úlesi úshin ekinshi kýrs doktaranty Irına Prıhodko ıe boldy.
Doktorant Nurjan Ahmedov pen magıstrant Raýshan Baıjýma bitirýshiler atynan ózderine sapaly bilim berip, qıyn da jaýapty ǵylym jolyna baǵyttaǵan akademıa basshylyǵyna alǵysyn bildirdi. Jıyn sońynda qatysýshylarǵa doktoranttar men magıstranttar akademıada ótkizgen qyzyq sátterinen túsirilgen beınerolıkti kórsetti.