Sybaılas jemqorlyqqa qarsy saıasat tujyrymdamasynyń jobasy talqylandy
«Almaty-Adaldyq alańynda» 2022-2026 jyldarǵa arnalǵan Sybaılas jemqorlyqqa qarsy saıasat tujyrymdamasynyń jobasyn talqylaý boıynsha dóńgelek ústel ótti, dep habarlaıdy Almaty-akshamy.kz
Kezdesýge «Almaty-Adaldyq alańy» jobalyq keńsesiniń, Almaty qalasynyń sybaılas jemqorlyqqa qarsy qyzmetiniń ókilderi jáne qoǵamdyq pikir kóshbasshylary qatysty.
Talqylaý barysynda tujyrymdama jobasy tanystyryp, strategıalyq qujattyń negizgi erejeleri túsindirildi.
«Almaty-Adaldyq alańy» jobalyq keńsesiniń basshysy Aınur Sabıtova parasatty qoǵamdy qalyptastyrý jáne azamattyq qoǵamdy sybaılas jemqorlyqqa qarsy is-qımylǵa tartý máseleleri kiretin «Sybaılas jemqorlyqqa qarsy saıasatty damytýdyń negizgi qaǵıdattary men tásilderi» atty tujyrymdamanyń besinshi bólimine basty nazar aýdardy.
«Búkil qoǵamnyń kúsh-jigerin biriktirý arqyly biz azamattardyń sybaılas jemqorlyqqa qarsy joǵary mádenıetin qalyptastyra alamyz. Qoǵamda sybaılas jemqorlyqqa múldem tózbeýshilik qaǵıdaty basshylyqqa alynýǵa tıis. Bul sana men moraldyq ustanymdardyń ózgerýinen, azamattardyń sybaılas jemqorlyqqa qarsy ımýnıtetin qalyptastyrýdan kórinedi», - dep atap ótti Aınur Sabıtova.
İs-shara sońynda qatysýshylar osy strategıalyq qujatty júzege asyrý máseleleri boıynsha óz oılary jáne ıdeıalarymen bólisti.
Sonymen qatar, Aınur Sabıtova qala jurtshylyǵyna barlyq usynystardy adal.com.kz saıtyna jiberýge bolatynyn aıtty.