Birjola bapkerlikke ketti
Kúresten álem chempıonatynyń birneshe dúrkin júldegeri Almat Kebispaev grek-rım kúresinen Qazaqstan jasóspirimder komandasynyń aǵa jattyqtyrýshysy atandy, dep habarlaıdy Almaty-akshamy.kz Olympic.kz-ke silteme jasap.
2010 jyldan beri álemdik jarystarda el namysyn abyroımen qorǵaǵan balýan endi shákirt tárbıeleýge kirispekshi.
«Basshylyqtyń sheshimimen osy mindetti atqarmaqpyn. Birjola bapkerlikke kettim dese de bolady. Osy jyldar aralyǵynda jınaǵan mol tájirıbemdi artymyzdan ergen jastarǵa úıretkim keledi. Buıyrsa, osy isti qolǵa alyp jatyrmyn. Alda úlken jumys kútip turǵany ras. Biraq qaıtadan kilemnen kórip qalsańyzdar da, tań qalmańyzdar (kúldi)», - dedi Kebispaev.
Aıta ketelik, Almat Kebispaev London jáne Rıo Olımpıadalarynyń qatysýshysy. 2021 jyly Osloda ótken álem chempıonatynyń qola júldegeri.