Almatyda COVID-19 aýrýynyń kóbeıýi jalǵasýda, al odan da shekteýli sharalardy bolýdymaýdyń jalǵyz joly – vaksınalaný qarqynyn edáýir arttyrý. Bul týraly Óńirlik komýnıkasıalar qyzmetiniń baspasóz konferensıasy kezinde Almaly aýdanynyń ákimi Erjan Seıtenov aıtty dep habarlaıdy almaty-akshamy.kz
«Men áli ekpe almaǵan barlyq almatylyqtardy jaqyn arada vaksına saldyrýǵa shaqyramyn. Búginde bul úshin barlyq múmkindikter bar. Men turǵyndarymyzdyń sanalylyq tanytatyndaryna senemin», - dedi aýdan ákimi.
Erjan Seıtenovtiń aıtýynsha, aýdanda 182 474 adam vaksınalanǵan, biraq bul jetkiliksiz. Aýdan ákimi vırýstyń óte qaýipti ekenin habarlady.
«Bul týraly dárigerler de, epıdemıologtar da aıtyp jatyr. Táýekel toby da aýysty. Eger buryn egde jastaǵy adamdar jıi juqtyrsa, qazir jastar men eńbekke qabiletti turǵyndar dertke shaldyǵýda», - dedi Erjan Seıtenov.
Aýdan ákiminiń aıtýynsha, qazirgi kúrdeli epıdemıologıalyq ahýalda qala turǵyndary barynsha jaýapkershilik pen sanalylyq tanytyp, sanıtarlyq dárigerlerdiń usynystaryn jáne karantın shekteýlerin qatań saqtaýlary tıis.
Jyl basynan beri Almaly aýdanynyń monıtorıńtik toptary 5 500-ge jýyq obektini tekserdi, belgilengen shekteýlerdi buzǵany úshin 124 zańdy jáne 1 082 jeke tulǵalarǵa jalpy somasy 177,7 mln teńge bolatyn aıyppul salyndy.