Almatynyń Almaly aýdanynyń 10 kóshesinde 10 shaqyrymdyq jol tósemi jańartyldy.
Bul týraly Óńirlik komýnıkasıalar qyzmetinde ótken brıfıńte aýdan ákimi Erjan Seıtenov aıtty, dep habarlaıdy Almaty-akshamy.kz
Erjan Seıtenovtiń aıtýynsha, Almaly aýdanynda jalpy uzyndyǵy 173,3 shaqyrymdy quraıtyn 110 kóshe bar.
«Joldardyń jumysyn jaqsartý úshin on kóshedegi joldyń 10 shaqyrymy jańartyldy, Áıteke bı, Qojamqulov jáne Tóle bı úsh kóshesiniń boıynda jumys júrgizilýde. Raıymbek - Rozybakıev boıyndaǵy jolaıryǵy jóndeldi», - dedi Erjan Seıtenov.
Erjan Seıtenov kóshedegi joldyń jańarýy turǵyndar úshin úlken mańyzǵa ıe ekenin, óıtkeni bul kóshelerdiń árqaısysy megapolıstiń kólik júıesinde mańyzdy bolyp tabylatynyn atap ótti.
Sonymen qatar kelesi ýchaskelerde 810 metr trotýar jelisiniń qurylysy aıaqtaldy: Nurly jol kóshesi Qarasaı batyrdan Bógenbaı batyrǵa deıin, Máýlenov kóshesi Áıteke bı men Qazybek bıge deıin, Amangeldi kóshesi Abaıdan Qurmanǵazyǵa deıin, Bógenbaı batyr kóshesi Seıfýllınnen Masanchı men Bógenbaı batyr kóshesi Áýezovten Nurly jolǵa deıin.
Aýdan basshysy qalanyń kóshelerin jaryqtandyrýdyń, ásirese, quqyqtyq tártipti qamtamasyz etýdegi mańyzy týraly aıtty.
«Aǵymdaǵy jyly jaryqtandyrylmaǵan jáne jartylaı jaryqtandyrylǵan 84 alań boıynda josparlanǵan jaryqtandyrý qondyrǵylarynyń ishinde 82 ýchaskede 391 tirek pen 872 sham ornatýmen jumys aıaqtaldy. Sondaı-aq, aýdannyń 12 monýmentaldy eskertkishin ereksheleý boıynsha jumystar júrgizildi», - dedi Almaly aýdanynyń ákimi.
Aýdanda qabyldanǵan sharalardyń arqasynda qylmys sany azaıdy. Al olardy tirkegen jaǵdaıda barlyǵy qylmystar «izin sýytpaı» ashylýda. Aýdanda barlyq baǵyt boıynsha tirkelgen qylmystar sany 15,9%-ǵa tómendedi. Máselen, polısıanyń bes stasıonarlyq modýldik posty 113 ákimshilik quqyq buzýshylyqty ashty.