Almaly aýdanynda oqýshy oryndarynyń tapshylyǵyna baılanysty ahýal salystyrmaly túrde qalypty jaǵdaıda.
Oqýshylardyń jalpy kontıngenti 37 myń oqýshyny quraıdy, al tapshylyq 1 myń (1 028) orynnan sál asady, dep habarlaıdy Almaty-akshamy.kz.
Bul jaıynda búgin qala ákiminiń Almaly aýdany turǵyndarymen ótken kezdesýinde belgili boldy.
Memleket basshysy iske qosqan «Jaıly mektep» ulttyq jobasynyń aıasynda bıyl Almaly aýdanyndaǵy Raıymbek dańǵyly men Áýezov kóshesiniń qıylysynda 1,5 myń oryndyq jańa mektep qurylysy bastalady. Obekti 2024 jyldyń IV toqsanynda beriledi.
Sáýir aıynda № 15 gımnazıany seısmıkalyq kúsheıtip, kúrdeli jóndeý aıaqtaldy. Tamyz aıynda №136 mektep-gımnazıany kúrdeli jóndep, seısmıkalyq kúsheıtý úshin jobalaý-smetalyq qujattamasynyń saraptama qorytyndysyn alýdy josparlap otyrmyz.
Sondaı-aq ákimdik eki mektepke, ıaǵnı: №16 mektepke 300 oryndyq qosymsha ǵımarat jáne №58 mektepke sport zaly men akt zalyn (qazirgi ǵımarattardy buzyp) salý úshin jobalaý-smetalyq qujattama ázirleýde. Saraptamalary IV toqsanda shyǵady.
Ótken kezdesýde aıtylǵandaı, sáýir aıynda "Tastaq" shaǵynaýdanynda (Granovskıı kóshesi, 96 mekenjaıy boıynsha) az qamtylǵan otbasylardan shyqqan balalarǵa baǵyttalǵan «Shyńǵa órleý» áleýmettik klýbynyń ekinshi fılıaly ashyldy.