2025 jyly Almaly aýdanynda «Halyqa qatysatyn búdjet» baǵdarlamasy aıasynda 45 joba iske asyrylatyn bolady. Bul týraly Almaly aýdanynyń turǵyndarymen kezdesý barysynda Almaty ákimi Erbolat Dosaev málimdedi.
Qala basshysy atap ótkendeı, 45 jobanyń 23-i aýla aýmaqtaryn jóndeý, olardy kógaldandyrý boıynsha 4 joba jáne qoǵamdyq keńistikterdi abattandyrý jáne kógaldandyrý boıynsha 18 joba. Qosymsha 33 aýla aýmaǵyn jóndeý úshin taǵy 500 mln teńge bólindi. Barlyq abattandyrý jumystary osy jyldyń sáýir-qazan aılary aralyǵynda júrgiziledi.
Esterińizge sala keteıik, 2024 jyly HQB aıasynda aýdanda 52 joba iske asyrylyp, 23 aýla aýmaǵyna qosymsha aǵymdaǵy jóndeý júrgizildi.
Úsh jyldyń ishinde Almatyda 39,1 mlrd teńge somasyna 938 joba iske asyryldy. 2025 jylǵa HQB baǵdarlamasyna qala búdjetinde 17,1 mlrd teńge qarastyrylǵan.