Almatyda eski turǵyn úıdi renovasıalaýdyń jańarǵan baǵdarlamasyn ázirleý aıaqtalyp qaldy.
Almaty ákimi Erbolat Dosaev Almaly aýdany turǵyndarymen kezdesti, dep habarlaıdy Almaty-akshamy.kz.
Kezdesýge kelgen qala turǵyndary qala basshysyna suraqtaryn qoıdy.
Almaly aýdany turǵynynyń suraǵy:
- Masanchı kóshesi, 23a mekenjaıdaǵy úı 1938 jyly salynǵan, qazirgi jaǵdaıy nashar. Osyǵan qatysty qashan jáne qandaı sharalar qabyldanady?
Almaty qalasynyń ákimi Erbolat Dosaevtyń jaýaby:
- Qazir biz jańarǵan renovasıalaý baǵdarlamasyn daıyndaýdyń sońǵy satysyndamyz. Baǵdarlama ishinde biz qalanyń qandaı múmkindikteri bolatynyn qarastyramyz. Ókinishke oraı, qalada buzýdy nemese jóndeýdi qajet etetin tozyǵy jetken turǵyn úı qory óte úlken. Qala balansynda mundaı aqsha joq. Investordy tabý múmkin bolmaı jatyr. Kóp qabatty avtoturaq salý týraly usynysy bar nusqaǵa men ruqsat bermeımin.
Almaly aýdanynda 131 úı eskirgen bolyp sanalady. Sizdiki de tizimge engizilgen. Biz bylaısha keliseıik, qalanyń múmkindigine qaraı ne isteý kerektigin kóremiz. Eger biz búdjet qarajaty esebinen satyp alyp, sizdi kóshire alsaq, men muny isteımin.