Temirtaý qalasynyń eki turǵyny birneshe jyldan beri alıment tóleýden jaltaryp, jalpy qaryzdary 5,2 mıllıon teńgeni quraǵan, dep habarlaıdy aqshamnews.kz.
Qala prokýratýrasy Qylmystyq kodekstiń 139-baby (balaǵa alıment tóleý jónindegi mindetterdi oryndamaý) boıynsha sotqa deıingi tergep-tekserýge bastamashylyq jasady.
İs materıaldary sotqa jiberildi.
Sot eki boryshkerge de probasıalyq baqylaý ornata otyryp, bir jyl merzimge bas bostandyǵyn shekteý jazasyn taǵaıyndady.
Sonymen qatar, 2024 jyly engizilgen prokýrorlyq qadaǵalaý aktileriniń negizinde Qylmystyq kodekstiń 139-baby boıynsha taǵy úsh qylmystyq is tirkeldi, olar qazirgi ýaqytta sotqa deıingi tergep-tekserý satysynda.
2023 jyldan beri Temirtaý qalasynda alıment tólemegen 43 azamat Ákimshilik kodekstiń 669-baby boıynsha ákimshilik jaýapkershilikke tartyldy.
Bul baǵyttaǵy jumystar jalǵasýda jáne qala prokýratýrasynyń baqylaýynda.