Álıhan Asqanuly Smaıylovtyń kandıdatýrasyn depýtattar biraýyzdan qoldady.
QR Premer-Mınıstri laýazymyna Álıhan Smaıylov taǵaıyndaldy, dep habarlaıdy Almaty-akshamy.kz
Búgingi Májilis otyrysyna beınebaılanys arqyly qatysqan Memleket basshysy Qasym-Jomart Toqaev QR Premer-Mınıstri laýazymyna taǵaıyndaýǵa kelisim berý úshin Álıhan Asqanuly Smaıylovtyń kandıdatýrasyn depýtattardyń qaraýyna usynǵan bolatyn.
Talqylaý barysynda Májilis depýtattary Prezıdenttiń usynysyn biraýyzdan qoldap, Álıhan Smaıylovtyń Úkimet basshysy bolyp taǵaıyndalýyna kelisim berdi.
Álıhan Asqanuly Smaıylov 1972 jyly Almaty qalasynda dúnıege kelgen. 1994 jyly ál-Farabı atyndaǵy Qazaq memlekettik ulttyq ýnıversıtetin «qoldanbaly matematıka» mamandyǵy boıynsha támamdaǵan.
1996 jyly — QR Prezıdenti janyndaǵy Qazaqstan menedjment, ekonomıka jáne boljamdaý ınstıtýtynyń memlekettik basqarý magıstri dárejesine ıe boldy.
1993–1999 jyldary — «A-Invest» ınvestısıalyq–jekeshelendirý qorynyń bas mamany; bólim basshysynyń orynbasary; QR Ulttyq statısıka agenttiginiń basqarma basshysy; QR Statısıkalyq josparlaý jáne reformalar jónindegi agenttiginiń Statısıka jáne taldaý komıteti tóraǵasynyń orynbasary; bas sarapshy, ekonomıka sektorynyń meńgerýshisi, QR Prezıdenti Ákimshiliginiń memlekettik ınspektory bolyp qyzmet atqarǵan.
1999–2003 jyldary — QR Statısıka agenttiginiń tóraǵasy.
2003–2006 jyldary — QR Syrtqy ister vıse-mınıstri, «Eksporttyq nesıeler men ınvestısıalardy saqtandyrý jónindegi memlekettik saqtandyrý kompanıasy» AQ basqarma tóraǵasy.
2006–2009 jyldary — QR qarjy vıse-mınıstri, «QazAgro» UBH prezıdenti.
2009–2014 jyldary — QR Statısıka agenttiginiń tóraǵasy.
2014–2015 jyldary — QR Ulttyq ekonomıka mınıstrliginiń Statısıka jónindegi komıtetiniń tóraǵasy.
2015–2018 jyldary — QR Prezıdentiniń kómekshisi.
2018 jylǵy qyrkúıekten bastap 2019 jylǵy aqpanǵa deıin — Qarjy mınıstri.
2019 jylǵy 25 aqpanda Prezıdent Jarlyǵymen Premer-Mınıstrdiń birinshi orynbasary – Qarjy mınıstri qyzmetine taǵaıyndaldy.
2021 jyly 18 qańtarda QR Prezıdentiniń Jarlyǵymen Premer-Mınıstrdiń birinshi orynbasary bolyp qaıta taǵaıyndalǵan edi.