«Samuryq-Qazyna» qory quramyndaǵy 40 kásiporyn jekeshelendiriledi, dep habarlaıdy Almaty-akshamy.kz QazAqparatqa silteme jasap.
Bul týraly QR Premer-Mınıstri Álıhan Smaıylov QR Prezıdenti Qasym-Jomart Toqaevtyń iri bıznes ókilderimen kezdesýinde aıtty.
«Bıyl jáne kelesi jyly "QazMunaıGaz", "Eır-Astana", "Qazaqgaz" sıaqty kompanıalardy IPO-ǵa shyǵarý josparlanyp otyr. Jalpy, osy kezeńde «Samuryq-Qazyna» holdıńiniń shamamen 40 kásiporynyn jekeshelendirý josparda bar. Olardyń tizimi jaqyn arada ashyq kózderde jarıalanady», - dedi Úkimet basshysy.
Premer-Mınıstrdiń aıtýyna qaraǵanda, Prezıdent tapsyrmasynyń aıasynda «Samuryq-Qazyna» qorynyń tıimdiligi men ashyqtyǵyn arttyrý, otandyq bıznesti uzaq merzimdi offteık-kelisimsharttar arqyly qoldaý sharalaryn qyzmetin reformalaýdyń joldary ázirlenip jatyr.
«Qor ekonomıkanyń basym baǵyttaǵy salalaryna memleket atynan jumys isteıtin seriktes retinde jeke ınvestısıalardy tartýǵa yqpal etetin bolady», - dedi Álıhan Smaıylov.