Jol-kólik salasyn damytýdyń ózekti máseleleri talqylandy
QR Premer-Mınıstri Álıhan Smaıylov qytaılyq "CITIC Construction" korporasıasynyń birinshi vıse-prezıdenti Ian Szánsánmen kezdesti, dep habarlaıdy Almaty-akshamy.kz Úkimettiń baspasóz qyzmetine silteme jasap.
İri avtojol jobalaryn iske asyrýdyń, atap aıtqanda, qytaılyq kompanıa bas merdiger bolyp tabylatyn "Taldyqorǵan – Óskemen" jáne "Qaraǵandy – Balqash" respýblıkalyq trassalaryn rekonstrýksıalaýdyń, sondaı-aq jalpy jol-kólik salasyn damytýdyń ózekti máseleleri talqylandy.
Premer-Mınıstr osyndaı mańyzdy ınfraqurylymdyq jobalardy ýaqytyly aıaqtaý jáne barlyq ýchaskeler boıynsha jol qozǵalysyn ashý qajettigin atap ótti.
Kezdesý qorytyndysy boıynsha taraptar Qazaqstan men Qytaı arasyndaǵy joǵary strategıalyq áriptestik rýhynda barlyq jumystardy tabysty aıaqtaý úshin týyndaıtyn máselelerdi jedel sheshýge daıyn ekendikterin bildirdi.