Premer-Mınıstr Álıhan Smaıylov QR Prezıdenti Qasym-Jomart Toqaevtyń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyn iske asyrý jónindegi respýblıkalyq shtabtyń otyrysyn ótkizdi. Almaty-akshamy.kz bul týraly Úkimettiń baspasóz qyzmetine silteme jasap habarlaıdy.
Jıynǵa qatysýshylar búginde stýdenttik jataqhanalardaǵy oryn tapshylyǵy máselesin talqylady.
Ǵylym jáne joǵary bilim mınıstri Saıasat Nurbek bıyl 11 myń oryndyq 37 nysan, onyń ishinde JOO stýdentterine arnalǵan – 26, kolej stýdentterine arnalǵan 11 jataqhana paıdalanýǵa beriletinin aıtty.
Bul rette, onyń aqparaty boıynsha, 1,4 myń oryndyq 4 nysan josparly merziminde paıdalanýǵa berilmeýi múmkin. Bul «Astana medısına ýnıversıteti» KEAQ jataqhanasyn kúrdeli jóndeý, Almaty qalasynda 400 oryndyq jataqhana salý jáne 450 oryndyq eki jataqhanaǵa kúrdeli jóndeý júrgizý syndy jobalar.
Mınıstr jataqhanalar qurylysy kezinde ınvestorlar kezdesetin negizgi problemalar qatarynda nysandardyń maqsatyn ózgertý, zattaı granttar berý jáne komýnaldyq jelilerge qosylý m.mkindiginiń shektelýindegi qıyndyqtardy atady.
Álıhan Smaıylov eger bul másele ýaqtyly sheshilmeıtin bolsa, jaǵdaı odan saıyn qıyndaı beretinin atap ótti.
Kóptegen ýnıversıtetterdiń basshylary stýdentterge tıisti jaǵdaı jasaý ózderiniń tikeleı mindeti ekenin is júzinde umytyp ketti deýge bolady. Óz kezeginde Ǵylym jáne joǵary bilim, Oqý-aǵartý mınıstrlikteri ýnıversıtetter men kolejderdiń syrttan kelgen stýdentterdi jataqhanamen tolyq qamtamasyz etý talaptarynyń oryndalýyna qatysty jaǵdaıdy baqylap otyrǵan joq. Sondaı-aq ákimdikterdiń tarapynan da úılestirý jumystary nashar, - dedi Premer-Mınıstr.
Onyń aıtýynsha, oqýǵa qabyldanǵan stýdentter jataqhanada oryn joq ekenin ornalasýǵa kelgen kezde bir-aq biledi. Sosyn, oqýǵa daıyndalýdyń ornyna olar óz betinshe turatyn baspana izdeýge májbúr bolady.
Álıhan Smaıylov 1 qyrkúıekke deıin stýdentterge jataqhanadan oryn bólý jumystaryn barynsha kúsheıtýdi, sondaı-aq bıylǵa josparlanǵan 37 nysannyń barlyǵynyń merziminde tapsyrylýyn qamtamasyz etýdi mindettedi. Ol úshin ǵylym jáne joǵary bilim, oqý-aǵartý mınıstrleri, oblys ákimderi tikeleı jaýapty ekenin atap ótti.
Shtab otyrysy barysynda Memleket basshysynyń aýyl halqynyń tabysyn arttyrý jónindegi «Aýyl amanaty» baǵdarlamasyn iske asyrý týraly tapsyrmasyn oryndaý máselesi de qaraldy.
Aýyl sharýashylyǵy mınıstri Erbol Qarashókeev bıyl Baǵdarlamany júzege asyrýǵa respýblıkalyq búdjetten 100 mlrd teńge qarastyrylyp, 17 myń shaǵyn nesıe berý josparlanǵanyn, bul aýyldarda 18 myńnan astam jańa jumys ornyn ashýǵa múmkindik beretinin aıtty.
Degenmen, Baǵdarlamany júzege asyrýǵa on oblys qana belsendi túrde kirisken. Jeti óńirde jumys qarqyny baıaý, al úsh óńirde birde-bir ótinim (Shyǵys Qazaqstan, Mańǵystaý jáne Abaı oblystary) maquldanbaǵan.
Halyqpen belsendi jumys isteý kerek. Aýdandar men aýyldyq okrýgterdiń ákimderi turǵyndarmen turaqty baılanysta bolyp, mıkrokredıttiń sharttary men paıdasyn túsindirýge tıis. 5-7 jylǵa 2,5%-ben nesıe berý óte tıimdi shart bolyp tabylady. Muny qarapaıym tilmen jáne durys túsindirý kerek,- dedi Premer-Mınıstr.
Álıhan Smaıylov oblys ákimdikterine berilgen qarajattyń tolyq ıgerilýin, olardyń maqsatty paıdalanylýyn ári ýaqtyly qaıtarylýyn qamtamasyz etýdi, sondaı-aq 2023 jylǵa arnalǵan Baǵdarlama kórsetkishterine qol jetkizýdi baqylaýda ustaýdy tapsyrdy.