Bul mýraldy osyǵan deıin de birtalaı eskertkish pen sýrettiń avtory bolǵan qaraǵandylyq sýretshi Sáken Dáýletbaev salypty.
Qarqaraly aýdany ákimdiginiń málimetinshe, Qarqaralyda Álıhan Bókeıhanov pen Toqtar Áýbákirovtiń sýretteri beınelengen mýral paıda boldy dep habarlaıdy Almaty-akshamy.kz
Sýretshi Sáken Dáýletbaev Qarqaralyda eki úıdiń qasbetine Toqtar Áýbákirov pen Álıhan Bókeıhanovtyń sýretin saldy.
«Álıhan Bókeıhanov pen Toqtar Áýbákirov – esimi tarıhta altyn árippen jazylǵan jerlesterimiz. Bıyl Álıhan Bókeıhanovtyń týǵanyna 155 jyl jáne Toqtar Áýbákirovtyń týǵanyna 75 jyl toldy. Osy datalar men Táýelsizdiktiń 30 jyldyǵyna oraı sýretshi Sáken Dáýletbaev qalaǵa mýral týyndylaryn tartý etti», – dedi ákimdiktiń baspasóz hatshysy Gúlbarshyn Jumahanova.