Jol sapasyn tekserý kezinde birneshe kemshilikter tabylyp, jol salý barysynda kemshilikter jibergen merdiger kompanıalarǵa eskertý jasalǵan.
Jyl aıaǵyna jaqyndady. Dál osy ýaqytta barlyq mekeme jyl boıy jasaǵan jumystaryn qorytyndylap, istelgen isti oıdan ótkizedi. «Jol aktıvteriniń ulttyq sapa ortalyǵy» RMK Almaty fılıaly da osy jyldyń 10 aıynda atqarǵan jumysyn qorytyndylady, dep habarlaıdy almaty-akshamy.kz.
Jalpy, fılıal qyzmetkerleri jol sapasyn zerdeleý maqsatynda bıylǵy jyly jalpy 383 saraptama jasaǵan. Atap aıtar bolsaq, Almaty qalasynda uzyndyǵy 200 shaqyrym bolatyn 230 kósheni ortasha jóndeýmen qamtý josparlanǵan. Onyń ishinde 215 kóshe aýdandyq mańyzy bar kósheler bolyp tabylady. Negizinen fılıal qyzmetkerleri qalanyń shet aımaqtaryndaǵy Alǵabas, Terekti, Tomırıs, Qarasý, Aqbulaq, Zerdeli, Shapaǵat, Shuǵyla, Taýsamaly, Qalqaman, Rahat, Jas Qanat sekildi shaǵyn aýdandarynda júrgizilgen joldardyń sapasyna erekshe kóńil bólipti.
Ortasha jóndeý nysandaryna 190 saraptama júrgizilip, 913 synama alyndy. Solardyń ishinde 298 synama NTQ-ǵa (normatıvtik tehnıkalyq qujattama) sáıkes kelmeıdi. Jumys barysynda nysandardan 57 aqaý men kemshilik anyqtaldy. Belgili bolǵan aqaýlardyń 38-i joıylý barysynda.
Qaladaǵy 14 nysan qurylys jumystarymen qamtylǵan. Bul nysandarǵa 34 saraptama jasalyp, 92 synama alyndy. Olardyń ishinde 38 synama NTQ sáıkes kelmeıdi. 23 aqaý men kemshilik anyqtaldy (17 aqaý joıylý ústinde),- dep jazylǵan atalǵan mekemeniń habarlamasynda.
«Jol aktıvteriniń ulttyq sapa ortalyǵy» RMK Almaty fılıaly baspasóz qyzmetiniń habarlamasyna sáıkes, «Alǵabas shaǵyn aýdanyndaǵy joldardyń qurylysy» nysany boıynsha 17 qazan kúni 4 aqaý tabylyp, eshqaısysy joıylmaǵan. 19 qazan kúni asfáltobeton jabynynan 3 kern alynyp 1 kern normatıvtik qujattamaǵa sáıkes kelmeıtini anyqtalǵan.
Aıtý kerek, «Jol aktıvteriniń ulttyq sapa ortalyǵy» RMK Almaty fılıaly Almaty qalasyna qarasty aýdan ákimshilikterimen sapany jaqsartý maqsatynda kelisimshartqa qol qoıǵan bolatyn. Bul kelisimshartqa tek Almaly aýdanynyń ákimshiligi qalys qalǵan edi. Demek, fılıaldyń qyzmetkerleri kelisimshartqa sáıkes, qalanyń 7 aýdanynda 136 saraptama jasap, 173 synama alǵan. Onyń ishinde 55 synama NTQ sáıkes kelmeıtinin anyqtasa, 28 aqaý men kemshilikterdi qalpyna keltirý jumystary júrgizilip jatyr.